ករណី​លេខ ០៦២ លោកស្រី មៀក ង៉ែត ស្វែងរក​បងប្រុស​ឈ្មោះ មៀក ខៃ

281

លោក​ស្រី មៀក ង៉ែត មាន​អាយុ ៣៥ឆ្នាំ មាន​ស្រុក​កំណើត​ខេត្ត​កំពត លោកស្រី​មាន​ឪពុក​ឈ្មោះ មៀក ខឿន ម្ដាយ​ឈ្មោះ យឹម ហឿន មាន​បង​ប្អូន​​៦​នាក់។ បង​ទី១ ឈ្មោះ មៀក ខៃ បង​ទី​២ ឈ្មោះ មៀក ច្រឹប បង​ទី៣ ឈ្មោះ មៀក ហៀប លោកស្រី មៀក ង៉ែត ជា​កូន​ទី​៤ ប្អូន​ទី៥ មៀក អ៊ិត និង​ប្អូន​ទី៦ ឈ្មោះ មៀក ឃួង

ឆ្នាំ​១៩៧៥ ក្រុម​គ្រួសារ​លោក​ស្រី មៀក ង៉ែត មិន​ត្រូវ​បាន​ជម្លៀស​ទៅ​ណា​ទេ គឺ​នៅ​ក្នុង​ភូមិ​ដដែល​។ ចំពោះ​បងប្រុស​ មៀក ខៃ ត្រូវ​បាន​ចូល​ធ្វើ​ជា​កង​កុមារ គេ​ឲ្យ​គាត់​ទៅ​មើល​គោ​ពីរ តែ​គោ​មួយ​មិន​ស៊ី​ស្មៅ​ ហើយ​គោ​មួយ​ទៀត​ស៊ី​ស្មៅ​ធម្មតា​ ពេលនោះ​មាន​អ្នក​ប្រាប់​ពួក​ប៉ុលពត​ថា​លោក​ មៀក ខៃ នោះ​ខ្ជិល​មិន​មើល​គោ​។ ហើយ​ពួក​​អង្គការ​បាន​​ឲ្យ​គេ​យក​បង​ប្រុស​ មៀក ខៃ ​យក​ទៅ​សម្លាប់​ចោល​ ប៉ុន្តែ​បាន​មីង​នៅ​ក្បែរ​នោះ​ជួយ។ក្រោយមក​បងប្រុស​បាន​ប្រាប់​ម្ដាយ​ថា​គាត់​ទៅ​នៅ​ជា​មួយ​ពូ​ហើយ គឺ​នៅ​​ភ្នំ​ឌិន ដើម្បី​គេច​​ពី​ការ​ចង់​សម្លាប់​ពី​ពួក​ទ័ព​ឈ្លប។​ តាំង​ពី​ពេល​នោះ​មក​ក៏​បាត់​ដំណឹង​ពី​បងប្រុស​​ មៀក ខៃ​ រហូត​ដល់សព្វថ្ងៃ​។

​​កម្មវិធី​មនុស្សធម៌ «នេះ​មិនមែន​ជា​សុបិន» សូម​ប្រកាស​ស្វែងរក​លោក មៀក ខៃ ដែល​បាន​បែកគ្នា​នៅ​ឆ្នាំ​១៩៧៥ ប្រសិន​បើ​​លោក មៀក ខៃ បាន​​ឃើញ​​​​ការ​ប្រកាស​​ស្វែងរក​ ឬ​​លោក​​អ្នក​ដែល​បាន​​ដឹង​ដំណឹង​​​នេះ សូម​ទាក់ទង​​​មក​ កម្មវិធី​មនុស្សធម៌ «នេះ​មិនមែន​ជា​សុបិន» តាម​រយៈ​ទូរស័ព្ទ​លេខ ០៩៧៥ ០៩៧ ០៩៧។

កម្មវិធី​មនុស្សធម៌ «នេះ​មិនមែន​ជា​សុបិន» ផ្ដល់​សេវាកម្ម ឥតគិតថ្លៃ​ជូន​​ប្រជាជន​កម្ពុជា​ក្នុង​ការ​ស្វែងរក​ សាច់ញាតិ ដែល​បាន​បែក​គ្នា​​​ក្នុង​សម័យ​សង្គ្រាម ឬ​បាន​​បែក​គ្នា​ដោយសារ​មូលហេតុ​ផ្សេងៗ​ជាច្រើន​ទៀត ​នៅ​ក្រោយ​​សម័យ​សង្គ្រាម។ សូម​​ទាក់ទង​​មក​​កម្មវិធី​យើងខ្ញុំ​តាម​ទូរស័ព្ទ​លេខ​ ០៩៧៥ ០៩៧ ០៩៧ រៀងរាល់​ម៉ោង​ធ្វើការ​ ចាប់ពី​ថ្ងៃ​ច័ន្ទ​ដល់​ថ្ងៃសុក្រ វេលា​ម៉ោង​៨ដល់១២​ថ្ងៃ​ត្រង់ និង​ម៉ោង​២​ដល់​ម៉ោង​៥​ល្ងាច ឬ​មក​ទាក់ទង​ដោយ​ផ្ទាល់​នៅ​អគ្គនាយកដ្ឋាន​​វិទ្យុ​ និង​​ទូរទស្សន៍​​បាយ័ន៕