លោកស្រី ឡៅ ណារី ហៅ ជុក ស្វែងរកបងស្រីបង្កើតឈ្មោះ ឡៅ ហ្គិចណៃ និងក្មួយៗ
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោកស្រី ឡៅ ហិ្គចណៃ ហៅ មាន់ចែ និងក្មួយៗទាំងអស់របស់លោកស្រី ឡៅ ណារី ហៅ ជុក ។ លោកស្រី ឡៅ ហិ្គចណៃ ហៅ មាន់ចែ មានស្វាមីឈ្មោះ ហ៊ី ម៉ូក មានស្រុកកំណើតនៅឃុំជ្រែបាក់ ស្រុករលាប្អៀរ ខេត្តកំពង់ឆ្នាំង និងមានកូន៣នាក់ កូនទី១ឈ្មោះ ហ៊ី គីមហៀង កូនទី២ ឈ្មោះ ហ៊ី គង់ហេង កូនទី៣ឈ្មោះ ហ៊ី គង់ឡេង ។ ឪពុកលោកស្រី ជាអ្នកលក់ចាប់ហួយ ម្ដាយលក់ បបរនៅផ្សារព្រៃ ខ្មែរ ។ ចំណែកបងស្រី ឡៅ ហិ្គចណៃ និងស្វាមីឈ្មោះ ហ៊ី ម៉ូវ ប្រកបរបរ ជាអ្នកលក់ ទឹកកកនិងមូលបារីលក់នៅផ្សារព្រៃខ្មែរដែរ។នៅឆ្នាំ១៩៧៥ ប៉ុលពតក៏បានចូល មកហើយជម្លៀសគ្រួសារលោកស្រីចេញពីស្រុកស្វាយប៉ោ ពេលនោះបងស្រី ឡៅ ហ្គិចណៃ បាន មកជួបជាមួយបងប្អូននិងម្ដាយវិញ ហើយបាននិយាយជាមួយលោកស្រីចាំឡើងរទេះភ្លើងទៅមោងទាំងអស់ គ្នា។ លុះ ពេលដែលរទេះភ្លើងមកដល់ស្រាប់តែបាត់គ្រួសារបងស្រី ឡៅ ហិ្គចណៃ មិនដឹងថាពួកគាត់ទៅណាទេ។ដោយសារតែរទេះភ្លើងចេញដំណើរទៅហើយធ្វើឲ្យលោកស្រីបែកពីពួកគាត់រហូតមកដល់សព្វថ្ងៃ។
កម្មវិធីមនុស្សធម៌ “នេះមិនមែនជាសុបិន“សូមប្រកាសស្វែងរកលោកស្រី ឡៅ ហិ្គចណៃ ហៅ មាន់ចែ និងក្មួយៗទាំងអស់របស់លោកស្រី ឡៅ ណារី ហៅ ជុក។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។