លោក វ៉ន វ៉េត ស្វែងរកបងប្រុស វ៉ន សើ
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក វ៉ន សើ ដែលត្រូវជាបងប្រុសបង្កើតរបស់លោក វ៉ន វ៉េត ។ លោកមានឪពុកឈ្មោះ វ៉ន ធ្វើពេទ្យនៅក្នុងពេទ្យធំ ម្ដាយឈ្មោះ យ៉ា យិន ជាមេផ្ទះ និងមានបងប្អូនបង្កើតចំនួន៨នាក់ លោក វ៉ន ម៉ាំង លោក វ៉ន ភ្នំ លោក វ៉ន សើ លោក វ៉ន វឿន លោក វ៉ន វ៉េត លោក វ៉ន វ៉ាង លោក វ៉ន ពៅ និងលោកស្រី វ៉ន ស្រីពៅ ។ នៅក្នុងឆ្នាំ ១៩៧៥ ពេលខ្មែរក្រហមបានចូលកាន់កាប់ទីក្រុងភ្នំពេញ ក្រុមគ្រួសាររបស់លោកត្រូវជម្លៀសឲ្យរស់នៅម្ដុំផ្សារ ដើមដូង ក្នុងខេត្តបាត់ដំបង ។ នៅក្នុងឆ្នាំ ១៩៧៩ ពេលដែលរបបខ្មែរក្រហមបានដួលរលំ ក្រុមគ្រួសារបាននាំគ្នា ទៅរស់នៅក្នុងជំរំថ្មី ក្នុងទឹកដីខ្មែរ ជាប់ ព្រំដែនថៃ។ នៅក្នុងឆ្នាំ ១៩៩២ ម្ដាយនឹងបងប្អូនរបស់លោកដែលនៅក្នុងជំរំថ្មី បានត្រឡប់មករស់នៅក្នុងខេត្ត បាត់ដំបង ។ នៅឆ្នាំ១៩៩៣ ដោយសារតែជីវភាពមិន សមប្រកបបងប្រុស វ៉ន សើ បានសម្រេចចិត្តត្រឡប់ទៅរកស៊ីនៅតាមព្រំដែនខ្មែរ ថៃ វិញ ។ ចាប់តាំងពីពេលនោះមកលោក វ៉ន វ៉ត បានបាត់ដំណឹងបងប្រុស វ៉ន សើ រហូតមកដល់ពេលបច្ចុប្បន្ន។
កម្មវិធីមនុស្សធម៌ “នេះមិនមែនជាសុបិន“កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក វ៉ន សើ ដែលត្រូវជាបងប្រុសបង្កើតរបស់លោក វ៉ន វ៉េត ។ ប្រសិនបើ បងប្រុស វ៉ន សើ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច។