លោក សុំ វិចិត្រនាមរដ្ឋ ហៅ សុំ វិចិត្រ ស្វែងរកឪពុកម្ដាយ និងបងប្អូនបង្កើត
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោកតា សុំ សារឹម លោកយាយ ព្រំ វ៉ាន់ថាច លោកស្រី សុំ សាថាស៊ីវ៉ាន់នី លោកស្រី សុំ វិច្ចរា លោកស្រី សុំ ផល្លិកា និងលោក សុំ សំពវិន័យ ដែលត្រូវជាឪពុកម្ដាយនិងបងប្អូនបង្កើតរបស់លោក សុំ វិចិត្រនាមរដ្ឋ ហៅ សុំ វិចិត្រ។ មុនសម័យសង្គ្រាម ក្រុមគ្រួសាររបស់លោករស់នៅក្នុងបន្ទាយគ្រួសារស្ទឹងមានជ័យ ក្នុងក្រុងភ្នំពេញ ឪពុករបស់លោកធ្វើជាទាហាន ម្ដាយធ្វើជាមេផ្ទះ។ នៅឆ្នាំ១៩៧៥ គ្រួសាររបស់លោកត្រូវបានគេជម្លៀសទៅដល់ភូមិស្លិតលើ ស្រុកទូមាស ខេត្តកំពត។ នៅទីនោះលោកបានបែកពីឪពុក ដោយសារឪពុករបស់លោក បានទៅធ្វើចម្ការដាំដំណាំនៅជើងភ្នំនិងបានបែកពីបងប្អូននិងម្ដាយនៅពេលដែលលោកចូលកងចល័តខាងបុរស ចាប់ពីពេលនោះមក លោកបានបែកពីក្រុមគ្រួសាររហូតមកដល់សព្វថ្ងៃ។
កម្មវិធីមនុស្សធម៌ “នេះមិនមែនជាសុបិន“សូមប្រកាសស្វែងរកលោកតា សុំ សារឹម លោកយាយ ព្រំ វ៉ាន់ថាច លោកស្រី សុំ សាថាស៊ីវ៉ាន់នី លោកស្រី សុំ វិច្ចរា លោកស្រី សុំ ផល្លិកា និងលោក សុំ សំពវិន័យ ដែលត្រូវជាឪពុកម្ដាយនិងបងប្អូនបង្កើតរបស់លោក សុំ វិចិត្រនាមរដ្ឋ ហៅ សុំ វិចិត្រ។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច។