លោកស្រី អ៊ិន វង ហៅ វង ស្វែងរក​ក្រុម គ្រួសារ

7

កម្មវិធី​មនុស្សធម៌ នេះ​មិនមែន​ជា​សុបិន សូម​ប្រកាស​​​​​​​​​​​​​​​​​ស្វែង​​រក​លោកតា អ៊ិន ហន លោកយាយ ឡេង ឆេង លោក អ៊ិន លៀន លោកស្រី អ៊ិន គឹមលៀប លោកស្រី អ៊ិន គឹមលៀង ដែល​ត្រូវជា​ឪពុកម្ដាយ និង​ប្អូនស្រី​ប្អូនប្រុស​របស់​លោកស្រី អ៊ិន វង ហៅ វង ។ លោកស្រី អ៊ិន វង ហៅ វង មាន​ឪពុក​ឈ្មោះ អ៊ិន ហន ម្ដាយ​ឈ្មោះ ឡេង ឆេង និង​មានបងប្អូន​ចំនួន​៥នាក់​ ទី១ លោកស្រី អ៊ិន វង ហៅ វង ទី២ លោក អ៊ិន ហាក់ងួន ទី៣ លោក អ៊ិន លៀន ទី៤ លោកស្រី អ៊ិន គឹមលៀប ទី៥ លោកស្រី អ៊ិន គឹមលៀង ។ មុនឆ្នាំ១៩៧៥ ក្រុម គ្រួសារ​របស់​លោកស្រី រស់នៅ​ស្រុក​កំណើត​នៅ​ភូមិ​ឫស្សីកែវ សង្កាត់​គីឡូ​លេខ​៦ ខណ្ឌ​ឫស្សីកែវ ក្រុងភ្នំពេញ ។ ចំណែក​លោកស្រី បាន​រស់នៅ​ជាមួយ​យាយតា នៅ​ខេត្ត​កណ្ដាល ។ ក្រោយមក​បាន​មក​រស់នៅ​ជាមួយ​ឪពុកម្ដាយ​វិញ​នៅ​ភ្នំពេញ ។ នៅឆ្នាំ១៩៧៦ លោកស្រី បាន​បែក​ពី​ក្រុម​គ្រួសារ ដោយសារ​លោកស្រី បាន​នាំ​ប្អូនប្រុស​ឈ្មោះ អ៊ិន ហាក់ងួន ​រត់​ទៅ​នៅ​ជាមួយ តាយាយ នៅ​ស្រុក​កំណើត​ឯ​ខេត្ត​កណ្ដាល​វិញ ។ ចំណែក​ឪពុកម្ដាយ​បងប្អូន​ផ្សេងទៀត​រស់នៅ​ភូមិ​បាត់ដឹង​ដដែល។ ក្រោយមក​ទៀត​មិន​ដឹង​ថា ក្រុម​គ្រួសារ​របស់​លោកស្រី ​ត្រូវ​ពួក​ប៉ុលពត​ជម្លៀស​ទៅ​ទីណា​នោះ​ទេ ។ ចាប់តាំង​ពី​ពេលនោះ​មក លោកស្រី មិន​បាន​ទទួល​ដំណឹង​អ្វី​សោះ ពី​ក្រុម​គ្រួសារ ។

កម្មវិធី​មនុស្សធម៌ នេះ​មិនមែន​ជា​សុបិនសូម​ប្រកាស​​​​​​​​​​​​​​​​​ស្វែង​​រក​លោកតា អ៊ិន ហន លោកយាយ ឡេង ឆេង លោក អ៊ិន លៀន លោកស្រី អ៊ិន គឹមលៀប លោកស្រី អ៊ិន គឹមលៀង ដែល​ត្រូវជា​ឪពុកម្ដាយ និង​ប្អូនស្រី​ប្អូនប្រុស​របស់​លោកស្រី អ៊ិន វង ហៅ វង ប្រសិន​បើ​​ បងប្អូន សាច់ញាតិ​ ឬ​អ្នក​ដែល​បាន​ស្គាល់ បាន​ឮដំណឹង​ប្រកាស​នេះ សូម​ទំនាក់ទំនង​​មក​ កម្មវិធី​មនុស្សធម៌ នេះ​មិនមែន​ជា​សុបិន តាម រយៈ​ទូរស័ព្ទ​លេខ ០៩៧៥ ០៩៧ ០៩៧ ។

កម្មវិធី​មនុស្សធម៌ នេះ​មិនមែន​ជា​សុបិន ផ្ដល់​សេវាកម្ម ឥតគិតថ្លៃ សម្រាប់​ប្រជាជន​កម្ពុជា​ក្នុង​ការ​ស្វែងរក​ សាច់ញាតិ ដែល​បាន​បែក​គ្នា​​​ក្នុង​សម័យ​សង្គ្រាម ឬ​បាន​​​បែក​គ្នា ដោយសារ​មូលហេតុ​ផ្សេងៗ ជាច្រើន​ទៀត​នៅ​ក្រោយ​​សម័យ​សង្គ្រាម។ សូម​​ទំនាក់​ទំនង​មក​​កម្មវិធី​យើងខ្ញុំ​តាម​ទូរស័ព្ទ​លេខ​ ០៩៧៥ ០៩៧ ០៩៧ រៀងរាល់​ម៉ោង​ធ្វើការ​ចាប់ពី​ថ្ងៃ​ច័ន្ទ​ដល់​ថ្ងៃសុក្រ វេលា​ម៉ោង​៨ដល់១២ព្រឹក និង​ម៉ោង​២​ដល់​ម៉ោង​៥​ល្ងាច ឬ​មក​ទំនាក់ទំនង​ដោយ​ផ្ទាល់​នៅ​អគ្គនាយកដ្ឋាន​​វិទ្យុ​ និង​​ទូរទស្សន៍​​បាយ័ន។