លោកស្រី លឹម ហ្គិចជូ ស្វែងរក​ប្អូន​ប្រុស​ស្រី​៤នាក់

6

កម្មវិធី​មនុស្សធម៌ នេះ​មិនមែន​ជា​សុបិន សូម​ប្រកាស​​​​​​​​​​​​​​​​​ស្វែង​​រក​លោកស្រី លឹម ហ្គិចស៊ីម លោកស្រី លឹម ហ្គិចគង់ លោកស្រី លឹម ហ្គិចសាំង និង​លោក លឹម អ៊ុយហួ ដែល​ត្រូវ​ជា​ប្អូន​ប្រុស​ស្រី ​របស់​លោកស្រី លឹម ហ្គិចជូលោកស្រី មាន​​ឪពុក​ឈ្មោះ​ លឹម តៅម៉ូវ ម្ដាយ​ឈ្មោះ តាន់ សៀវអេង និង​មាន​បងប្អូន​បង្កើត​ចំនួន​៦​នាក់ ស្រី​៥​នាក់ ទី១ លឹម ហ្គិចខេង ទី២ លឹម ហ្គិចជូ ទី៣ លឹម ហ្គិចស៊ីម ទី៤​ លឹម ហ្គិចគង់ ទី៥ លឹម ហ្គិចសាំង និងទី៦ លឹម អ៊ុយហួ ។ មុនឆ្នាំ១៩៧៥ ក្រុម​គ្រួសារ​របស់​លោកស្រី​រស់នៅ​ភ្នំពេញ ផ្ទះ​នៅ​ផ្ដុំ​ផ្សារ​អូរឫស្សី​ ទល់​មុខ​រោងកុន​ស​ព្រហ្ម​មាស។ នៅឆ្នាំ១៩៧៥ ក្រុម​គ្រួសារ​របស់​លោកស្រី​ត្រូវ​បាន​គេ​ជម្លៀស​ចេញ​ពី​ភ្នំពេញ​ ទៅ​ដល់​ស្អាង​ព្រែក​តូច​ ខេត្ត​កណ្ដាល ។ លោកស្រី ​បាន​បែក​ពី​ក្រុម​គ្រួសារ​ដោយសារ​លោកស្រី ទៅ​ចាំ​យក​ដី​៤៥ថ្ងៃ នៅ​សាត់ត្បូ ទើប​លោកស្រី​ត្រឡប់​មក​វិញ ប៉ុន្តែ​នៅ​ពេលនោះ​ គេ​បាន​បិត​ផ្លូវ​មិន​អោយ​លោកស្រី​ត្រឡប់​ទៅ​រក​ក្រុម​គ្រួសារ​របស់​លោកស្រី ។ ហើយ​ចាប់​តាំង​ពី​ពេលនោះ​មក​លោកស្រី​បាន​បាត់​ដំណឹង​ពី​ក្រុម​គ្រួសារ​រហូត​មក។

កម្មវិធី​មនុស្សធម៌ នេះ​មិនមែន​ជា​សុបិនសូម​ប្រកាស​​​​​​​​​​​​​​​​​ស្វែង​​រក​លោកស្រី លឹម ហ្គិចស៊ីម លោកស្រី លឹម ហ្គិចគង់ លោកស្រី លឹម ហ្គិចសាំង និង​លោក លឹម អ៊ុយហួ ដែល​ត្រូវ​ជា​ប្អូនប្រុសស្រី ​របស់​លោកស្រី លឹម ហ្គិចជូ ប្រសិន​បើ​​ បងប្អូន សាច់ញាតិ​ ឬ​អ្នក​ដែល​បាន​ស្គាល់ បាន​ឮដំណឹង​ប្រកាស​នេះ សូម​ទំនាក់ទំនង​​មក​ កម្មវិធី​មនុស្សធម៌ នេះ​មិនមែន​ជា​សុបិន តាម រយៈ​ទូរស័ព្ទ​លេខ ០៩៧៥ ០៩៧ ០៩៧ ។

កម្មវិធី​មនុស្សធម៌ នេះ​មិនមែន​ជា​សុបិន ផ្ដល់​សេវាកម្ម ឥតគិតថ្លៃ សម្រាប់​ប្រជាជន​កម្ពុជា​ក្នុង​ការ​ស្វែងរក​ សាច់ញាតិ ដែល​បាន​បែក​គ្នា​​​ក្នុង​សម័យ​សង្គ្រាម ឬ​បាន​​​បែក​គ្នា ដោយសារ​មូលហេតុ​ផ្សេងៗ ជាច្រើន​ទៀត​នៅ​ក្រោយ​​សម័យ​សង្គ្រាម។ សូម​​ទំនាក់​ទំនង​មក​​កម្មវិធី​យើងខ្ញុំ​តាម​ទូរស័ព្ទ​លេខ​ ០៩៧៥ ០៩៧ ០៩៧ រៀងរាល់​ម៉ោង​ធ្វើការ​ចាប់ពី​ថ្ងៃ​ច័ន្ទ​ដល់​ថ្ងៃសុក្រ វេលា​ម៉ោង​៨ដល់១២ព្រឹក និង​ម៉ោង​២​ដល់​ម៉ោង​៥​ល្ងាច ឬ​មក​ទំនាក់ទំនង​ដោយ​ផ្ទាល់​នៅ​អគ្គនាយកដ្ឋាន​​វិទ្យុ​ និង​​ទូរទស្សន៍​​បាយ័ន។