លោកស្រី លឹម គៀង ស្វែងរកបងប្អូនបង្កើត២នាក់
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក លឹម ស្រេង លោក លឹម ឃីម ដែលត្រូវជាបងប្រុសរបស់លោកស្រី លឹម គៀង។លោកស្រីមានឪពុកឈ្មោះ លឹម ជាថៃ ម្ដាយឈ្មោះ មុយ ជូរ មានបងប្អូន៦នាក់ ស្រី១នាក់ ទី១ លឹម ស្រេង ទី២ លឹម ឃីម ទី៣ លឹម គៀង ទី៤ លឹម ផេង ទី៥ លឹម អ៊ុយ ទី៦ លឹម សៀក ។ មុនឆ្នាំ១៩៧៥ ក្រុមគ្រួសាររស់នៅម្ដុំរោងកុនអង្គរ ក្រុងភ្នំពេញ ដោយឪពុកម្ដាយធ្វើជាអ្នកលក់សៀវភៅនៅមុខផ្ទះ ។ឆ្នាំ១៩៧៥ក្រុមគ្រួសាររបស់លោកស្រីត្រូវបានគេជម្លៀសចេញពីទីក្រុងភ្នំពេញទៅដល់ខេត្តបាត់ដំបង។ក្រោយឆ្នាំ១៩៧៩លោកស្រី និងបងប្រុសទាំង២នាក់របស់លោកស្រីបាននាំគ្នាធ្វើដំណើរក្នុងគោលបំណងត្រឡប់ទៅស្រុកកំណើតនៅក្រុងភ្នំពេញវិញ។ លោកស្រី លឹម គៀង បានបែកពីបងប្រុសបង្កើតទាំងពីរ នៅឆ្នាំ១៩៧៩ ដោយសារនៅពេលធ្វើដំណើរត្រឡប់មកដល់ស្រុកក្រឡាញ់ បងប្រុសបានអោយលោកស្រីឡើងជិះរទេះជាមួយគេទៅមុន។ ចាប់តាំងពីពេលនោះមកលោកស្រីបានបាត់ដំណឹងបងប្រុស លឹម ស្រេង និងលឹម ឃីម រហូតមកដល់សព្វថ្ងៃ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក លឹម ស្រេង លោក លឹម ឃីម ដែលត្រូវជាបងប្រុសរបស់លោកស្រី លឹម គៀង។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។