លោក កែវ រ៉ាដាវី ហៅ ខ្មៅ ស្វែងរកប្អូនស្រីឈ្មោះ កែវ សុខធិតា ហៅ ស្រីទូច
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោកស្រី កែវ សុខធិតា ហៅ ស្រីទូច ដែលត្រូវជាប្អូនស្រីបង្កើតរបស់លោក កែវ រ៉ាដាវី ហៅ ខ្មៅ ។ លោក កែវ រ៉ាដាវី ហៅ ខ្មៅ កើតឆ្នាំ១៩៦០ មានឪពុកឈ្មោះ កែវ លឹមហេង ម្ដាយឈ្មោះ ក្រួច យឹម និងមានបងប្អូនបង្កើត ចំនួន៧នាក់ ស្រី២ ប្រុស៥ ទី១ឈ្មោះ កែវ រ៉ាដាវី ទី២ឈ្មោះ កែវ រ៉ាដូនី ទី៣ឈ្មោះ កែវ រ៉ាដូម៉ា ទី៤ឈ្មោះ កែវ រ៉ាដូណា ទី៥ឈ្មោះ កែវ សុខចិន្ដា ទី៦ឈ្មោះ កែវ សុខធិតា ទី៧ឈ្មោះ កែវ សុខមង្គល។កាលពីមុនឆ្នាំ ១៩៧៥ លោក កែវ រ៉ាដាវី រស់នៅជួបជុំជាមួយឪពុក ម្ដាយ និងបងប្អូនចំនួន៧នាក់ នៅក្នុងខេត្តប៉ៃលិន ពេលនោះឪពុកលោកស្រីធ្វើពេទ្យ ម្ដាយជាមេផ្ទះ ។ លោកស្រី កែវ សុខធិតា ត្រូវជាប្អូនស្រីបង្កើត ដែលបានបែកគ្នានៅឆ្នាំ១៩៧៩ ក្នុងស្រុកថ្មគោល ខេត្តបាត់ដំបង ម្ដុំរោងម៉ាស៊ីនកិនស្រូវ ដោយសារលោកបានទុកប្អូនស្រីឲ្យនៅចាំក្នុងរោងម៉ាស៊ីនកិនស្រូវ ព្រោះលោកទៅតាមស្វែងរកម្ដាយចុង ឈ្មោះ ពិសី ហើយលោកមិនបានត្រឡប់មករកប្អូនស្រីវិញ ក៏បែកគ្នារហូតដល់សព្វថ្ងៃ ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោកស្រី កែវ សុខធិតា ហៅ ស្រីទូច ដែលត្រូវជាប្អូនស្រីបង្កើតរបស់លោក កែវ រ៉ាដាវី ហៅ ខ្មៅ ។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។