លោកស្រី ហ៊ិន ស៊ីណើប ស្វែងរកប្អូនប្រុសឈ្មោះ ហ៊ិន សាងត ហៅ ពេជ្រ សំភា
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក ហ៊ិន សាងត ហៅ ពេជ្រ សំភា ដែលត្រូវជាប្អូនប្រុសបង្កើតរបស់លោកស្រី ហ៊ិន ស៊ីណើប ។ លោកស្រី ហ៊ិន ស៊ីណើប មានឪពុកឈ្មោះ ហ៊ិន ហួត និងម្ដាយឈ្មោះ ថុន សី មានបងប្អូន៦នាក់ ទី១ លោកស្រី ហ៊ិន ស៊ីណើប ទី២ លោក ហ៊ិន សាហ៊ិន ទី៣ លោកស្រី ហ៊ិន ស៊ីណាត ទី៤ លោក ហ៊ិន សាងត ហៅ ពេជ្រ សំភា ទី៥ លោកស្រី ហ៊ិន ស៊ីណែត និងទី៦ លោក ហ៊ិន សុធា ហៅ ពៅ។ នៅឆ្នាំ១៩៨៣ ដោយសារគ្រួសាររបស់លោកស្រី ហ៊ិន ស៊ីណើប មានជីវភាពមិនសូវល្អ ដូច្នេះហើយប្អូនប្រុសរបស់លោកស្រី ឈ្មោះ ហ៊ិន សាងត ហៅ ពេជ្រ សំភា បានសម្រេចចិត្តចាកចេញពីគ្រួសារ ដើម្បីទៅរកការងារធ្វើនៅខេត្តសៀមរាប ។ នៅឆ្នាំ១៩៨៦ លោក ហ៊ិន សាងត ហៅ ពេជ្រ សំភា បានផ្ញើរថ្នាំពេទ្យមកឲ្យម្ដាយរបស់លោកស្រី ហ៊ិន ស៊ីណើប តាមរយៈកូនធម៌របស់ម្ដាយលោកស្រីឈ្មោះ សុខ ខេត ។មុនម្ដាយរបស់លោកស្រីបានស្លាប់ គាត់បានប្រាប់ថា កូនធម៌ម្ដាយរបស់លោកស្រី ឈ្មោះ សុខ ខេត រស់នៅស្រុកបារាយ ខេត្តកំពង់ធំ ប៉ុន្ដែមិនស្គាល់ភូមិ នោះទេ។ ចាប់តាំងពីពេលនោះមក លោកស្រីមិនបានទទួលដំណឹងអ្វីពីប្អូនប្រុសឈ្មោះ ហ៊ិន សាងត ហៅ ពេជ្រ សំភា រហូតមកដល់បច្ចុប្បន្ន ៕
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក ហ៊ិន សាងត ហៅ ពេជ្រ សំភា ដែលត្រូវជាប្អូនប្រុសបង្កើតរបស់លោកស្រី ហ៊ិន ស៊ីណើប ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ នៅរៀងរាល់ម៉ោងធ្វើការចាប់ពីថ្ងៃច័ន្ទ ដល់សុក្រ វេលាម៉ោង៨ ដល់ ១២ថ្ងៃត្រង់ និង ម៉ោង ២ ដល់ ៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។