លោកស្រី តាំង គីមផូន ស្វែងរកបងប្រុសឈ្មោះ តាំង គីមឡក
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក តាំង គីមឡក ដែលត្រូវជាបងប្រុសរបស់លោកស្រី តាំង គីមផូន ។ លោកស្រី មានឪពុកឈ្មោះ តាំង ហ្ស៊ី ម្ដាយឈ្មោះ លី ស៊ីងហូ និងមានបងប្អូនបង្កើតចំនួន ៩នាក់ ស្រី៣នាក់ មានស្រុកកំណើតនៅ ខេត្តបាត់ដំបង ១.តាំង គឹមឆូយ ២.តាំង គឹមឆេង ៣.តាំង គឹងអន ៤.តាំង គីមឡក ៥.តាំង គីមចាន់ ៦.តាំង គីមតឹក ៧.តាំង គឹមឡៃ ៨.តាំង គឹមហ្វូន ៩.តាំង គឹម ឆឺង ។ មុនឆ្នាំ១៩៧៥ លោកស្រី និងក្រុមគ្រួសាររស់នៅស្វាយស៊ីសុផុន ខេត្តបាត់ដំបង (បច្ចុប្បន្នស្ថិតនៅក្នុងទឹកដីខេត្តបន្ទាយមានជ័យ)។ ហើយក្នុងឆ្នាំ១៩៧៣ លោកស្រី បងប្រុសទី១ និងបងប្រុសទី៣ បានទៅរៀនជាជាងក្រឡឹង នៅខេត្តប៉ៃលិន។ នៅឆ្នាំ១៩៧៥ ក្រុមគ្រួសាររបស់លោកស្រីត្រូវបានគេបញ្ជូនចូលកងចល័តផ្សេងៗគេទាំងអស់។ ហើយនៅក្នុងឆ្នាំ១៩៧៦ បងប្រុសឈ្មោះ តាំង គីមឡក បានមកលេងគ្រួសារបានម្ដងដែរ ហើយពេលត្រឡប់ទៅវិញក៏បានបាត់ដំណឹងរហូតមកដល់បច្ចុប្បន្ន។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក តាំង គីមឡក ដែលត្រូវជាបងប្រុសរបស់លោកស្រី តាំង គីមផូន។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។