លោក សំរិទ្ធ ប៊ុនរឿន ស្វែងរកក្រុមគ្រួសារ និងសាច់ថ្លៃ
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកក្រុមគ្រួសារ និងបងសាច់ថ្លៃ របស់លោក សំរិទ្ធ ប៊ុនរឿន។ លោក សំរិទ្ធ ប៊ុនរឿន អាយុ៥០ឆ្នាំ មានស្រុកកំណើតនៅសង្កាត់លេខ៣(ផ្សារដើមថ្កូវ) ក្រុងភ្នំពេញ។ ឪពុកឈ្មោះ សំរិទ្ធ សំរង ម្ដាយឈ្មោះ នួន លន និងមានបងប្អូនចំនួន៧នាក់ កូនទី១ឈ្មោះ សំរិទ្ធ សារាម ហៅរ៉េម មានប្រពន្ធឈ្មោះ ទឹម យាន។ អ្នកទាំងពីរមានកូនចំនួន៣នាក់។ មុនឆ្នាំ១៩៧៣ គ្រួសាររបស់លោករស់នៅជុំគ្នានៅម្ដុំផ្សារដើមថ្កូវ ។ ឪពុកជាអ្នករត់ស៊ីក្លូ ចំណែកម្ដាយជាអ្នកលក់បន្លែនៅផ្សារដើមថ្កូវ។ ឆ្នាំ១៩៧៣ បងប្រុសឈ្មោះ សំរិទ្ធ សារាម បានឲ្យលោកទៅនៅវត្តស្រះចក ព្រោះនៅជាមួយម្ដាយមិនបានរៀន។ លោកស្រីបានបែកពីបងស្រី សំរិទ្ធ សេង និងស្វាមីគាត់នៅគល់ស្ពានជ្រោយចង្វា ដោយលោកទៅយកខោអាវនៅវត្ត ។ បងប្អូនមានឈ្មោះ សំរិទ្ធ សោ សំរិទ្ធ សែ សំរិទ្ធ ស្រីពៅ និងសំរិទ្ធ ប៊ុននី នៅឆ្នាំ១៩៧៦ លោកបានបែកពីពួកគាត់ ដោយសារពួកប៉ុលពតជម្លៀសឲ្យទៅរស់នៅខេត្តបាត់ដំបង។តាំងពីពេលនោះលោកមិនដែលលឺដំណឹងអ្វីទៀតទេពីបងប្អូនបង្កើតរបស់លោកស្រី។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកក្រុមគ្រួសារ និងបងសាច់ថ្លៃ របស់លោក សំរិទ្ធ ប៊ុនរឿន។ ប្រសិនបើ បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។