លោក អៀ ចាន់បូណា ស្វែងរកប្អូនស្រីបង្កើត
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកប្អូនស្រីរបស់លោក អៀ ចាន់បូណា ។ មុនឆ្នាំ ១៩៧៥ ក្រុមគ្រួសារលោក អៀ ចាន់បូណា រស់នៅផ្លូវសុខហុក ក្រុងភ្នំពេញ ឪពុកឈ្មោះ អៀ ឃុនលី ម្ដាយឈ្មោះ ស៊ីវអាន មានបងប្អូនបង្កើតចំនួន ៣នាក់ ស្រី ១នាក់ និងជីតាខាងឪពុកឈ្មោះ សុខហុក ជីតាខាងម្ដាយឈ្មោះ គឹមសាន ម្ដាយមីងឈ្មោះ ស៊ីវអៀន ភរិយារបស់លោក អ៊ុនកូវ អតីតទាហានជាន់ខ្ពស់ ។ ក្រោយមកលោក អៀ ចាន់បូណា បានចងចាំថាលោក បានរៀននៅសាលារៀនវត្តកោះ។ នៅឆ្នាំ១៩៧៥ ក្រុមគ្រួសារលោក អៀ ចាន់បូណា ត្រូវបានគេជម្លៀសទៅខេត្តបាត់ដំបង ដោយរស់នៅជួបជុំគ្នាក្នុងផ្ទះតូចមួយ។ ក្រោយមកក្រុមគ្រួសាររបស់លោក ត្រូវបានគេបញ្ជូនឲ្យទៅធ្វើការនៅកន្លែងផ្សេងៗគ្នា ហើយម្ដាយរបស់លោក អៀ ចាន់បូណា បានស្លាប់ដោយសារតែមានជំងឺ ហើយអត់មានអាហារបរិភោគគ្រប់គ្រាន់។ លោក អៀ ចាន់បូណា បានចូលកងចល័តគេឲ្យកាប់ដី រែកដី លើកទំនប់ ជីកប្រឡាយ ជារៀងរាល់ថ្ងៃ លោក មិនដែលបានជួបនិងឪពុក និងប្អូនប្រុសស្រី របស់លោកទេ។ ក្រោយឆ្នាំ ១៩៧៩ លោក អៀ ចាន់បូណា បានត្រលប់ទៅរកក្រុមគ្រួសារលោក នៅផ្ទះដែលធ្លាប់រស់នៅដែរ ប៉ុន្តែមិនបានជួបនិងប្អូនស្រី លោកទេ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកប្អូនស្រីរបស់លោក អៀ ចាន់បូណា ។ ប្រសិនបើប្អូនស្រី បងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ព្រឹក និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។