លោកស្រី អ៊ឹង អ៊ីលួង ហៅ ឪមួយ ស្វែងរកគ្រួសារ
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោកតា អ៊ឹង ថេងពោ លោកយាយ ងួន ស៊ីវ លោក អ៊ឹង ជីស៊ាង លោក អ៊ឹង ជីពាំង លោក អ៊ឹង ជីគង់ លោក អ៊ឹង ជីគាត ដែលត្រូវជាឪពុកម្ដាយបងប្រុសរបស់លោកស្រី អ៊ឹង អ៊ីលួង ហៅ ឪមួយ ។ មុនឆ្នាំ១៩៧៥ គ្រួសាររបស់លោកស្រីរស់នៅក្រុងភ្នំពេញ ដែលមានផ្ទះជិតផ្សារកណ្ដាល ដោយឪពុកលោកស្រីជាអ្នករកស៊ីនាំចេញនាំចូលនូវទំនិញគ្រឿងកំប៉ុង ហើយក្រុមហ៊ុនឪពុកលោកស្រី មានឈ្មោះថា គាំងស៊ិញ នាំចេញនាំចូលទំនិញបរទេស និងមានរោងម៉ាស៊ីនកិនស្រូវមួយនៅស្រុកថ្មគោល ខេត្តបាត់ដំបង។ ថ្ងៃទី១៧ មេសា ឆ្នាំ១៩៧៥ ជាពេលដែលពួកប៉ុលពតបានជម្លៀសប្រជាជនចេញពីភ្នំពេញ។ ពេលនោះ ឪពុកលោកស្រីបានឲ្យលោកស្រី ជីដូន និងបងប្រុសទី២ឈ្មោះ អ៊ឹង ជីពាំង បងស្រីទី៣ឈ្មោះ អ៊ឹង អ៊ីងីម និងបងប្រុសទី៤ឈ្មោះ អ៊ឹង ជីគាត ទៅមុន ដោយឲ្យទៅស្នាក់នៅផ្ទះបងប្អូនសិន ចំណែកឪពុកម្ដាយ និងបងៗផ្សេងទៀត ទៅតាមក្រោយ ដោយឪពុកលោកស្រីនៅចាក់សោផ្ទះ និងរៀបចំឥវ៉ាន់ ទើបធ្វើឲ្យលោកស្រីបានបែកពួកគាត់។ ក្រោយមកលោកស្រីក៏បានបែកពីបងប្រុសទី២ឈ្មោះ អ៊ឹង ជីពាំង ដោយគាត់ចេញទៅរកឪពុកម្ដាយនៅផ្ទះចាស់ ។ ចាប់តាំងពីពេលនោះមកលោកស្រីក៏បានបែកពីក្រុមគ្រួសាររហូតមកដល់សព្វថ្ងៃ ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោកតា អ៊ឹង ថេងពោ លោកយាយ ងួន ស៊ីវ លោក អ៊ឹង ជីស៊ាង លោក អ៊ឹង ជីពាំង លោក អ៊ឹង ជីគង់ លោក អ៊ឹង ជីគាត ដែលត្រូវជាឪពុកម្ដាយបងប្រុសរបស់លោកស្រី អ៊ឹង អ៊ីលួង ហៅ ឪមួយ ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។