លោក នួន នាង ហៅ នាង ស្វែងរកបងប្អូន
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកបងប្អូនទាំងអស់របស់លោក នួន នាង ហៅ នាង។ នៅមុនឆ្នាំ ១៩៧៥ គ្រួសាររបស់លោករស់នៅម្ដុំពេទ្យចិន ទីក្រុងភ្នំពេញទាំងអស់គ្នា ។ ឪពុករបស់លោកមានមុខរបរធ្វើ ជាអ្នកបើកអង្ករ ហៅថា ភស្តុភារ ម្ដាយរបស់លោកនៅផ្ទះ ។បងទី១របស់លោកមានស្វាមី ជាអ្នកបើកយន្តហោះ។ ហើយលោកនៅចាំបានថាបងទី២របស់រៀនអន់ជាងគេ នឹងមានមាឌធំ ។បងទី៤និងបងទី៥មានមុខរបរ ជាសិស្សរៀននៅសាលាជាមួយគ្នានឹងមានថ្នាក់ស្មើគ្នា ហើយបងទី៤និងបងទី៥របស់លោកបានជាប់អាហារូបករណ៍ទៅរៀន ប្រទេសបារាំង តែមិនទាន់បានទៅផង ខ្មែរក្រហមចូលកាន់កាប់ទីក្រុងភ្នំពេញក៏លេងបានទៅរៀននៅប្រទេសបារាំង ។ ចំណែកបងទី៦ ទី៧ ទី៨ ទី៩ ព្រមទាំងលោករៀនទាំងអស់គ្នា តែនៅក្នុងសាលាខុសៗគ្នា លោកចាំមិនបានទេ ។ នៅក្នុងឆ្នាំ ១៩៧៥ នៅពេលខ្មែរក្រហមចូលកាន់កាប់ទីក្រុងភ្នំពេញ ឪពុកម្ដាយបងប្អូនរបស់លោកនៅជុំគ្នា លើកលែងតែ បងទី១ នឹងបងទី៣របស់លោក ពួកគាត់រស់នៅផ្សេងគ្នា ។ ក្រោយមកលោកបានបែកពីបងទី១ នឹងបងទី៣ របស់លោក មិនដឹងថាខ្មែរក្រហមជម្លៀសទៅឲ្យរស់នៅកន្លែងណាទេ ។ ក្រោយមកទៀតលោកក៏បានបែកពីបងទី២ បងទី៤ បងទី៥ បងទី៦ បងទី៧ បងទី៨ និងបងទី៩ រហូតដល់សព្វថ្ងៃ ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកបងប្អូនទាំងអស់របស់លោក នួន នាង ហៅ នាង ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។