លោកស្រី គ្រី សុខខុម ខេត្តកណ្ដាល ស្វែងរកប្អូនស្រីឈ្មោះ គ្រី សុខឿន
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោកស្រី គ្រី សុខឿន ដែលត្រូវជាប្អូនស្រីរបស់លោកស្រី គ្រី សុខខុម ។ លោកស្រី មានឪពុកឈ្មោះ ហេង គ្រី ធ្វើជាទាហានបើកយន្តហោះ ម្ដាយឈ្មោះ ឡុង យឿង និងមានបងប្អូនបង្កើតចំនួន៣នាក់។ មុនឆ្នាំ១៩៧៥ ក្រុមគ្រួសាររបស់លោកស្រីរស់នៅខេត្តបាត់ដំបង។ មានថ្ងៃមួយ ប្អូនស្រីរបស់លោកស្រីឈ្មោះ គ្រី សុខឿន និងម្ដាយមីងឈ្មោះ ឈាង សុភារី បានទៅគោះស្រង៉ែ ដើម្បីយកមកធ្វើអង្ករ ម្ដាយមីងជាអ្នកគោះ ចំណែកប្អូនស្រីរបស់លោកស្រីជាអ្នកកាន់កញ្ជើ ពេលនោះប្អូនស្រី សុខឿន មានអាយុប្រហែល ៤ឆ្នាំ ។ នៅឆ្នាំ១៩៧៥ លោកស្រី សុខខុម បានបែកពីប្អូនស្រី គ្រី សុខឿន ដោយសារតែប្អូនស្រី សុខឿន ទៅនៅជាមួយអ្នកចិញ្ចឹម។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោកស្រី គ្រី សុខឿន ដែលត្រូវជាប្អូនស្រីរបស់លោកស្រី គ្រី សុខខុម ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។