លោកយាយ អ៊ុំ ផន ស្វែងរកកូនប្រុសបង្កើតឈ្មោះ ផេង សំ
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក ផេង សំ ដែលត្រូវជាកូនប្រុសរបស់លោកយាយ អ៊ុំ ផន។ លោកយាយ មានស្វាមីឈ្មោះ សឹង សុក និងមានកូនបង្កើតចំនួន ៨នាក់ ស្រី ៥នាក់ ។ នៅមុនឆ្នាំ ១៩៧០ លោក ផេង សំ និងក្រុមគ្រួសាររស់នៅជួបជុំគ្នាជាមួយឪពុកម្ដាយបងប្អូន និងបានកសាងគ្រួសារជាមួយលោកស្រី ផេង ឃៀន និងមានកូន២នាក់ កូនស្រីទី១ ឈ្មោះ សុខរី កូនប្រុសទី២ សុខរឿន ដោយប្រកបរបរធ្វើស្រែ និងលក់ទឹកត្រី។លោក ផេង សំ ដែលត្រូវជាកូនរបស់លោកយាយ ត្រូវបានគេបញ្ជូនទៅធ្វើជាទាហាន ប៉ុន្តែមិនដឹងថាទៅធ្វើនៅឯណានោះទេ ហើយក្រោយមកលោកបានមកលេងឪពុកម្ដាយបងប្អូន និងប្រពន្ធកូនបានមួយម្ដងដែរ។ ចាប់តាំងពីពេលនោះមកលោកយាយ និងគ្រួសារមិនដែលបានទទួលដំណឹងរបស់លោកទៀតឡើយ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក ផេង សំ ដែលត្រូវជាកូនប្រុសរបស់លោកយាយ អ៊ុំ ផន។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។