លោក មាក់ មុត សូមប្រកាសស្វែងរក ស្វែងរកប្អូនប្រុស មាក់ ម៉ាន់
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក មាក់ ម៉ាន់ ដែលត្រូវជាប្អូនប្រុសរបស់លោក មាក់ មុត។ នៅមុនឆ្នាំ ១៩៧៥ គ្រួសាររបស់លោករស់នៅក្នុង ភូមិទួលព្រៃល្វា ខេត្តកណ្ដាល ។ ឪពុករបស់លោកធ្វើជាទាហាន ម្ដាយធ្វើស្រែ។នៅដើមឆ្នាំ ១៩៧៨ បងទី១របស់លោកបាននាំប្អូនទី៤ឈ្មោះ មាក់ ម៉ាន់ រត់ចេញពីភូមិ ត្រូវពួកខ្មែរក្រហមចាប់បាន ហើយក៏យកបងទី១របស់លោកទៅសម្លាប់ចោល ប៉ុន្តែមិនបានសម្លាប់ប្អូនទី៤ របស់លោកទេ អង្គការបានបញ្ជូនប្អូនទី៤របស់លោកទៅរស់នៅទីរួមខេត្តពោធិ៍សាត់ ឲ្យធ្វើជាអ្នក រើសអាចម៍គោ ។ នៅក្នុងឆ្នាំ ១៩៧៩ របបខ្មែរក្រហមបានដួលរលំ លោកបានទៅរកប្អូនទី៤ដែលរស់នៅទីរួមខេត្តពោធិ៍សាត់ តែបានលឺដំណឹងថាកងទ័ពរំដោះយក ទៅបាត់ហើយ ចាប់ពីនោះមកក៏បែកគ្នារហូតដល់សព្វថ្ងៃ ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក មាក់ ម៉ាន់ ដែលត្រូវជាប្អូនប្រុសរបស់លោក មាក់ មុត ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។