លោក ឌិត ឡាយហ៊ាក ស្វែងរកឈ្មោះ ឡេង ឡៃហួត ហៅ បារាំង ត្រូវជាកូនប្រុសបង្កើត
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក ឡេង ឡៃហួត ហៅ បារាំង ដែលត្រូវជាកូនប្រុសបង្កើតរបស់លោក ឌិត ឡាយហ៊ាក ។មុនឆ្នាំ១៩៩៤ លោក ឌិត ឡាយហ៊ាក មានតួនាទីជាប្រធានក្រុមត្រួតពិនិត្យខាងកសិកម្ម នៅច្រកព្រំដែនអន្តរជាតិប៉ោយប៉ែត។ លោក ឡាយហ៊ាក មិនបានរស់នៅជួបជុំប្រពន្ធកូននោះទេ។ ប្រពន្ធ កូន និងឪពុកម្ដាយរបស់លោករស់នៅ ខេត្តបន្ទាយមានជ័យ។ឆ្នាំ១៩៩៤ ម៉ោងប្រហែលជា៩ កន្លះទៅ ម៉ោង១០ព្រឹក កូនប្រុសរបស់លោកគ្រូ ឈឿ បានបបួលកុមារា ឡេង ឡៃហួត ហៅ អាបារាំង ទៅទិញនំសារាយញ៉ាំ ព្រោះពេលនោះកុមារា បារាំង មានលុយ៥០០រយរៀល នៅនឹងដៃ ហើយក្មេងទាំង២នាក់នេះ បានដើរសំដៅមកភូមិមួយដែលនៅចម្ងាយពីផ្ទះប្រហែលជា៦០ម៉ែត្រ រហូតមកដល់ពេលថ្ងៃត្រង់មិនឃើញក្មេងៗត្រឡប់មកផ្ទះ សមាជិកនៅក្នុងផ្ទះបានប្រាប់ពីដំណឹងបាត់កូនដល់លោក ឡាយហ៊ាក។ លោក ឡាយហ៊ាក បានព្យាយាមស្វះស្វែងរកកូនប្រុសរបស់គាត់ឈ្មោះ អាបារាំង ។ លុះស្អែកឡើង លោក ឃិន គុន និងលោកគ្រូ ឈឿ បានរកឃើញកូនក្មេងដែលអាយុ១០ឆ្នាំ នៅក្នុងព្រៃខាងក្រោយផ្សារអគ្គ។ កន្លែងរកឃើញក្មេងនោះ មានជម្រៅចម្ងាយប្រហែល៥០ទៅ១០០ម៉ែត្រ ពីព្រៃ។ បន្ទាប់មក លោក ឡាយហ៊ាក បានសួរព័ត៌មានក្មេងនោះ អំពីកូនរបស់លោក ប៉ុន្តែក្មេងនោះ បានឆ្លើយ“អាអូននៅគេងជាមួយនឹងខ្ញុំ ហើយក្រោកឡើងក៏បាត់អាអូនទៅ“។ ចាប់តាំងពីពេលនោះមក លោក ឌិត ឡាយហ៊ាក ក៏បាត់ដំណឹងពីកូនប្រុស ឡេង ឡៃហួត ហៅ អាបារាំង រហូតមកដល់សព្វថ្ងៃ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក ឡេង ឡៃហួត ហៅ បារាំង ដែលត្រូវជាកូនប្រុសបង្កើតរបស់លោក ឌិត ឡាយហ៊ាក ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។