លោកស្រី ឈុន សុខា ស្វែងរកឈ្មោះ ឈុន ផល្លី ហៅ អាវ៉ា ត្រូវជាប្អូនប្រុសបង្កើត
កម្មវិធីមនុស្សធម៌ “នេះមិនមែនជាសុបិន“ សូមប្រកាសស្វែងរកលោក ឈុន ផល្លី ហៅ វ៉ា ដែលត្រូវជាប្អូនប្រុសបង្កើតរបស់លោកស្រី ឈុន សុខា។លោកស្រី មានឪពុកឈ្មោះ ឈុន ម្ដាយឈ្មោះ អ៊ូ ណម និងមានបងប្អូនចំនួន៣នាក់ ទី១ ឈុន សុខា ទី២ ឈុន ចាន់ណា ទី៣ ឈុន ផល្លី ហៅ វ៉ា ។ មុនឆ្នាំ១៩៧៥ ក្រុមគ្រួសាររបស់លោកស្រី ឈុន សុខា រស់នៅ ខេត្តកណ្ដាល។ ពេលនោះ ឪពុកម្ដាយរបស់លោកស្រី ជាកសិករធ្វើចំការ ចំណែក លោកស្រី សុខា និងប្អូនស្រី ឈុន ចាន់ណា ប្អូនប្រុស ឈុន ផល្លី បានរៀននៅសាលាបឋមសិក្សាកោះរះ ជាមួយគ្នា ។ ដើមឆ្នាំ១៩៧៦ កងទ័ពខ្មែរក្រហម បានជម្លៀសក្រុមគ្រួសាររបស់លោកស្រី ឈុន សុខា និងអ្នកភូមិ(ដឹកតាមកប៉ាល់) ទៅដល់ខេត្តពោធិ៍សាត់ ដែលគេហៅថា សហករណ៍សែនជ័យ។ បន្ទាប់មក ឪពុករបស់លោកស្រី ក៏បានស្លាប់នៅក្នុងសហករណ៍នោះ។ ពាក់កណ្ដាលឆ្នាំ១៩៧៨ លោកស្រី ឈុន សុខា ក៏ត្រូវបានខ្មែរក្រហមផ្លាស់ឲ្យលោកស្រី ត្រឡប់មកធ្វើការនៅឯសហករណ៍សែនជ័យវិញ។ ដូច្នេះ នៅសល់តែលោកស្រី ឈុន ចាន់ណា និងលោក ឈុន ផល្លី ដែលនៅធ្វើការនៅភ្នំសមសាន។ ចុងឆ្នាំ១៩៧៨ ខ្មែរក្រហម បានចាត់តាំងលោក ឈុន ផល្លី ហៅ អាវ៉ា ទៅកាប់ឈើនៅភ្នំបាក់ត្រា ខេត្តពោធិ៍សាត់។ ចាប់តាំងពីពេលនោះមកលោកស្រី ក៏បានបែកពីប្អូនប្រុស ឈុន ផល្លី ហៅ វ៉ា រហូតមកដល់សព្វថ្ងៃ ។ ។
កម្មវិធីមនុស្សធម៌ “នេះមិនមែនជាសុបិន” សូមប្រកាសស្វែងរកលោក ឈុន ផល្លី ហៅ វ៉ា ដែលត្រូវជាប្អូនប្រុសបង្កើតរបស់លោកស្រី ឈុន សុខា ។ ប្រសិនបើបងប្អូន សាច់ញាតិ ឬអ្នកដែលបានស្គាល់ បានឮដំណឹងប្រកាសនេះ សូមទំនាក់ទំនងមក កម្មវិធីមនុស្សធម៌ “នេះមិនមែនជាសុបិន“ តាម រយៈទូរស័ព្ទលេខ ០៩៧៥ ០៩៧ ០៩៧ ។
កម្មវិធីមនុស្សធម៌ “នេះមិនមែនជាសុបិន“ ផ្ដល់សេវាកម្ម ឥតគិតថ្លៃ សម្រាប់ប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នា ដោយសារមូលហេតុផ្សេងៗ ជាច្រើនទៀតនៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន។