ករណី​លេខ ២០២ លោកស្រី​ ឡោ ហ៊ុយខេង ស្វែងរក​បងប្អូន​បង្កើត

27

លោកស្រី​ ឡោ ហ៊ុយខេង​ មានលោក​ឪពុក​ឈ្មោះ ឡោ ងីឆេង ​​ ​អ្នក​ម្ដាយ​ឈ្មោះ លីវ សៀមទៀង និង​មាន​បងប្អូន​ចំនួន៧​នាក់ គឺ​​បងស្រី​ទី​១​ឈ្មោះ ឡោ លាងខេង ហៅ អាមួយ បងប្រុស​ទី​២​ឈ្មោះ ឡោ ហុកស៊ីម លោកស្រី ឡោ ហ៊ុយខេង ជា​កូនស្រី​ទី​៣ ប្អូន​ប្រុស​ទី​៤​ឈ្មោះ ឡោ ស៊ីម​ថុង ប្អូន​ស្រី​ទី​៥​ឈ្មោះ ឡោ សុខខេង ហៅ ហ៊ុន ប្អូន​ស្រី​ទី​៦​ឈ្មោះ ឡោ មួយគា និង​ប្អូន​ប្រុស​ទី​៧​ឈ្មោះ ឡោ ស៊ីមក្រេង​ ហៅ ទ្រី​​

ឆ្នាំ១៩៧៥ ក្រុម​គ្រួសារ​លោក​ស្រី ឡោ ហ៊ុយខេង ​​ត្រូវ​​ជម្លៀស​​ទៅ​​ខេត្ត​កណ្ដាល។ ប៉ុលពត​បាន​ឱ្យ ​បង​ប្រុស​ទី​២​ឈ្មោះ ឡោ ហុកស៊ីម និង​​ប្អូន​ប្រុស​ទី​៤​ឈ្មោះ ឡោ ស៊ីមថុង ទៅ​វត្ត​ចំពុះក្អែក។ ​​ពាក់​កណ្ដាល​ឆ្នាំ​១៩៧៧ ប៉ុលពត​ក៏​បញ្ជូន​លោកស្រី ឡោ ហ៊ុយខេង និង​ប្អូនស្រី ឡោ សុខខេង ហៅ ហ៊ុន ទៅ​វត្ត​ចំពុះ​ក្អែក​ដែរ។ ចំណែក​​ប្អូន​ស្រី​ទី​៦​ឈ្មោះ ឡោ មួយគា និងប្អូន​ប្រុស​ទី​៧​ឈ្មោះ ឡោ ស៊ីមក្រេង ​ត្រូវ​រស់នៅ​ក្នុង​​កងកុមារ​ឯ​​ភូមិ​ឈើទាល​។ ​​ឆ្នាំ​១៩៧៩ លោកស្រី ឡោ ហ៊ុយខេង និង​ប្អូន​ស្រី​ទី​៥​ ឡោ សុខខេង ត្រូវ​​ប៉ុលពត​បង្ខំ​ឱ្យ​ហែល​ទឹក​ឆ្លង​ទន្លេ​ជាមួយ​អ្នក​ទោស​ផ្សេង​ទៀត និង​​​បាន​​បែក​ពី​បងប្រុស​ទី​២​ ឡោ ហុកស៊ីម និង​ប្អូន​ប្រុស​ទី​៤​ ឡោ ស៊ីមថុង​។ នៅ​តាម​ផ្លូវ​ធ្វើ​ដំណើរ​ក្នុង​ចម្ការ​អំពៅ​មួយ លោកស្រី ឡោ ហ៊ុយខេង​ បាន​វង្វេង​បែក​ពី​ប្អូនស្រី​ទី​៥ ឡោ សុខខេង​ទៀត។

​​ កម្មវិធី​មនុស្សធម៌ «នេះ​មិនមែន​ជា​សុបិន» សូម​ប្រកាស​ស្វែងរក​​​​ លោក ឡោ ហុកស៊ីម លោក ឡោ ស៊ីមថុង និង​លោកស្រី ឡោ សុខខេង ដែល​បាន​បែកគ្នា​នៅ​ក្នុង​ឆ្នាំ​១៩៧៩ ប្រសិន​បើ​​​ លោក ឡោ ហុកស៊ីម លោក ឡោ ស៊ីមថុង និង​លោកស្រី ឡោ សុខខេង បាន​​ឃើញ​​​​ការ​ប្រកាស​​ស្វែងរក​ ឬ​​លោក​​អ្នក​ដែល​បាន​​ដឹង​ដំណឹង​​​នេះ សូម​​ទាក់ទង​​​មក​ កម្មវិធី​មនុស្សធម៌ «នេះ​មិនមែន​ជា​សុបិន» តាម រយៈ​ទូរស័ព្ទ​លេខ ០៩៧៥ ០៩៧ ០៩៧។

កម្មវិធី​មនុស្សធម៌ «នេះ​មិនមែន​ជា​សុបិន» ផ្ដល់​សេវាកម្ម ឥតគិតថ្លៃ​ជូន​​ប្រជាជន​កម្ពុជា​ក្នុង​ការ​ស្វែងរក​ សាច់ញាតិ ដែល​បាន​បែក​គ្នា​​​ក្នុង​សម័យ​សង្គ្រាម ឬ​បាន​​បែក​គ្នា​ដោយសារ​មូលហេតុ​ផ្សេងៗ​ជាច្រើន​ទៀត ​នៅ​ក្រោយ​​សម័យ​សង្គ្រាម។ សូម​ទាក់ទង​​មក​​កម្មវិធី​យើងខ្ញុំ​តាម​ទូរស័ព្ទ​លេខ​ ០៩៧៥ ០៩៧ ០៩៧ រៀងរាល់​ម៉ោង​ធ្វើការ​ ចាប់ពី​ថ្ងៃ​ច័ន្ទ​ដល់​ថ្ងៃសុក្រ វេលា​ម៉ោង​៨ដល់១២​ថ្ងៃ​ត្រង់ និង​ម៉ោង​២​ដល់​ម៉ោង​៥​ល្ងាច ឬ​មក​ទាក់ទង​ដោយ​ផ្ទាល់​នៅ​អគ្គនាយកដ្ឋាន​​វិទ្យុ​ និង​​ទូរទស្សន៍​​បាយ័ន៕