ករណី​លេខ ០៨០ លោកស្រី កែម អេន ស្វែងរក​កូនប្រុស​ឈ្មោះ មា ឈុន

10

លោក មា ឈុន មាន​ស្រុក​កំណើត​នៅ​ភូមិ​ត្រពាំង​ត្រសស់​ ឃុំ​ដូនយ៉យ​​ ស្រុក​ឈូក​ ខេត្ត​កំពត​ មាន​ឪពុក​ឈ្មោះ ស៊ូ មាស និង​ម្ដាយ​ឈ្មោះ កែម អេន និង​មាន​បងប្អូន​បង្កើត​៧នាក់។​ បងប្រុសទី១ឈ្មោះ​ មា ឆាង លោក មា​ ឈុន​ ជា​កូន​ទី២ ប្អូនប្រុសទី៣ឈ្មោះ មា ហេន ប្អូនស្រីទី៤ឈ្មោះ មា ថន ប្អូនស្រីទី៥ឈ្មោះ​ មា ផាន​ ប្អូនប្រុសទី៦ឈ្មោះ​ មា ឆុន និងប្អូនប្រុសទី៧ឈ្មោះ មា ធាន ។

នៅ​ឆ្នាំ១៩៧៩​ លោកស្រី កែម អេន​ បាន​បែក​ពី​កូនប្រុស​ មា ឈុន ​នៅ​អន្លង់វែង ខេត្ត​បន្ទាយមានជ័យ ដោយសារ​មាន​ការ​ច្របូកច្របល់​ពេក។ ចាប់​តាំង​ពី​ពេល​នោះ​មក​លោកស្រី​មិនបាន​ទទួល​ដំណឹង​ពី​កូនប្រុស​ឈ្មោះ មា ឈុន រហូត​មក​ដល់​ពេល​បច្ចុប្បន្ន។

​​កម្មវិធី​មនុស្សធម៌ «នេះ​មិនមែន​ជា​សុបិន» សូម​ប្រកាស​ស្វែងរក​លោក មា ឈុន ដែល​បាន​បែក​គ្នា​នៅ​ឆ្នាំ​១៩៧៩ ប្រសិន​បើ​​លោក មា ឈុន បាន​​ឃើញ​​​​ការ​ប្រកាស​​ស្វែងរក​ ឬ​​លោក​​អ្នក​ដែល​បាន​​ដឹង​ដំណឹង​​​នេះ សូម​ទាក់ទង​​​មក​ កម្មវិធី​មនុស្សធម៌ «នេះ​មិនមែន​ជា​សុបិន» តាម​រយៈ​ទូរស័ព្ទ​លេខ ០៩៧៥ ០៩៧ ០៩៧។

កម្មវិធី​មនុស្សធម៌ «នេះ​មិនមែន​ជា​សុបិន» ផ្ដល់​សេវាកម្ម ឥតគិតថ្លៃ​ជូន​​ប្រជាជន​កម្ពុជា​ក្នុង​ការ​ស្វែងរក​ សាច់ញាតិ ដែល​បាន​បែក​គ្នា​​​ក្នុង​សម័យ​សង្គ្រាម ឬ​បាន​​បែក​គ្នា​ដោយសារ​មូលហេតុ​ផ្សេងៗ​ជាច្រើន​ទៀត ​នៅ​ក្រោយ​​សម័យ​សង្គ្រាម។ សូម​​ទាក់ទង​​មក​​កម្មវិធី​យើងខ្ញុំ​តាម​ទូរស័ព្ទ​លេខ​ ០៩៧៥ ០៩៧ ០៩៧ រៀងរាល់​ម៉ោង​ធ្វើការ​ ចាប់ពី​ថ្ងៃ​ច័ន្ទ​ដល់​ថ្ងៃសុក្រ វេលា​ម៉ោង​៨ដល់១២​ថ្ងៃ​ត្រង់ និង​ម៉ោង​២​ដល់​ម៉ោង​៥​ល្ងាច ឬ​មក​ទាក់ទង​ដោយ​ផ្ទាល់​នៅ​អគ្គនាយកដ្ឋាន​​វិទ្យុ​ និង​​ទូរទស្សន៍​​បាយ័ន៕