ករណីលេខ ០៦៧ លោកស្រី គ្រី សុខខុម ស្វែងរកប្អូនស្រីឈ្មោះ គ្រី សុខឿន

លោកស្រីឈ្មោះ គ្រី សុខខុម មានអាយុ ៤១ឆ្នាំ មានស្រុកកំណើត ខេត្តកណ្ដាល។ លោកស្រី មានឪពុកឈ្មោះ ហេង គ្រី ធ្វើជាទាហានបើកយន្តហោះ ម្ដាយឈ្មោះ ឡុង យឿង និងមានបងប្អូនបង្កើតចំនួន៣នាក់។ លោកស្រី គ្រី សុខខុម ជាកូនទី១ ប្អូនស្រីទី២ គ្រី សុខឿន និងប្អូនស្រីទី២ គ្រី សុខហេង ។
មុនឆ្នាំ១៩៧៥ ក្រុមគ្រួសាររបស់លោកស្រីរស់នៅខេត្តបាត់ដំបង។ មានថ្ងៃមួយ ប្អូនស្រីរបស់លោកស្រីឈ្មោះ គ្រី សុខឿន និងម្ដាយមីងឈ្មោះ ឈាង សុភារី បានទៅគោះស្រង៉ែ ដើម្បីយកមកធ្វើអង្ករ ម្ដាយមីងជាអ្នកគោះ ចំណែកប្អូនស្រីរបស់លោកស្រីជាអ្នកកាន់កញ្ជើ ពេលនោះប្អូនស្រី សុខឿន មានអាយុប្រហែល ៤ឆ្នាំ ។ នៅឆ្នាំ១៩៧៥ លោកស្រី សុខខុម បានបែកពីប្អូនស្រី គ្រី សុខឿន ដោយសារតែប្អូនស្រី សុខឿន ទៅនៅជាមួយអ្នកចិញ្ចឹម។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី គ្រី សុខឿន ដែលបានបាត់ដំណឹងនៅក្នុងឆ្នាំ១៩៧៥ ។ ប្រសិនបើ លោកស្រី គ្រី សុខឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕