ករណីលេខ ០៦១ លោកស្រី យឹម នី ស្វែងរកកូនប្រុសឈ្មោះ អ៊ុត សុផល និង អ៊ុត សាផន
![](https://closer.com.kh/storage/2024/06/Screenshot-2024-06-20-145827-683x430.jpg)
លោកស្រី យឹម នី មានអាយុ ៧៣ឆ្នាំ មានស្រុកកំណើតខេត្តកំពង់ធំ ។ លោកស្រី យឹម នី មានស្វាមីឈ្មោះ អ៊ុត ឆោម មានកូនចំនួនបួននាក់។ កូនស្រីទី១ឈ្មោះ អ៊ុត បុប្ផា កូនប្រុសទី២ឈ្មោះ អ៊ុត សាផន កូនប្រុសទី៣ឈ្មោះ អ៊ុត សុផល និងកូនស្រីទី៤ឈ្មោះ ឆោម មុំ ។
មុនឆ្នាំ ១៩៧៥ ក្រុមគ្រួសារលោកស្រី យឹម នី រស់នៅផ្ទះខាងកើតស្ពានស្ទឹងមានជ័យ។
ឆ្នាំ១៩៧៥ ក្រុមគ្រួសារលោកស្រី យឹម នី ត្រូវបានពួកប៉ុលពតជម្លៀសចេញពីស្ទឹងមានជ័យ ក្រុងភ្នំពេញ ទៅកាន់អង្គតាសោម។ នៅទីនោះក្រុមគ្រួសារលោកស្រី យឹម នី បានសម្រាកនៅទីនោះមួយយប់ ប៉ុន្តែពេលគាត់ភ្ញាក់ពីដំណេកវិញក៏ស្រាប់តែបាត់លោក អ៊ុត សុផល មិនដឹងដើរវង្វេងទៅទីណាទេ។បន្ទាប់ពីពេលនោះក្រុមគ្រួសារគាត់ក៏ត្រូវបានពួកប៉ុលពតជម្លៀសបន្តមកកាន់ខេត្តកំពង់ធំ។ ចាប់ពីពេលនោះមកលោកស្រី ក៏បានបាត់ដំណឹងពីលោក អ៊ុត សុផលរហូតមក។
១៩៧៩ ម្ដាយបានឲ្យលោកទៅនៅជាមួយចៅអធិការ វត្តខ្នុរ ព្រះនាម ឃុត នៅស្រុកកំពង់ថ្ម ខេត្តកំពង់ធំ។ ក្រោយមកទ័ពវៀតណាម បានសុំលោក អ៊ុត សាផន ពីចៅអធិការវត្ត ធ្វើជាកូនចិញ្ចឹម។ ចាប់តាំងពីនោះមកក៏បាត់ដំណឹង លោក អ៊ុត សាផន រហូតដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក អ៊ុត សាផន និងលោក អ៊ុត សុផល ដែលបានបែកគ្នានៅឆ្នាំ១៩៧៥ និងឆ្នាំ១៩៧៩ ។ ប្រសិនបើ លោក អ៊ុត សាផន និងលោក អ៊ុត សុផល បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕