លោកស្រី ឡុង សុគន្ធ មានស្រុកកំណើតនៅខេត្តកណ្ដាល។ លោកស្រី ឡុង សុគន្ធ មានស្វាមីឈ្មោះ ជីវ យន់អេង និងមានកូនចំនួន៥នាក់។ កូនស្រីទី១ឈ្មោះ ជីវ សុគន្ធារី ហៅ មុំ កូនស្រីទី២ឈ្មោះ ជីវ សុគន្ធា ហៅ ម៉ាច កូនប្រុសទី៣ឈ្មោះ ជីវ សុវណ្ណរ៉ា ហៅ លីន កូនស្រីទី៤ឈ្មោះ ជីវ សុវណ្ណារី ហៅ ឡែន និងកូនប្រុសទី៥ឈ្មោះ ជីវ បញ្ញា ហៅ លាភ។ លោកស្រី ជីវ សុគន្ធា ហៅ ម៉ាច ជាកូនស្រីទី២ បានបែកពីគ្រួសារ ដោយសារបងប្អូនជីដូន១ម្នាក់មានឈ្មោះ ស្រី បានយកទៅលេងផ្ទះជីដូន នៅម្ដុំផ្សារអូឡាំពិក។
១៧ មេសា ១៩៧៥ ប៉ុលពតបានជម្លៀសគ្រួសាររបស់លោកស្រីចេញពីទីក្រុងភ្នំពេញ។ លោកស្រី ឡុង សុគន្ធគ្រាន់តែបានដឹងថា កូនស្រីទី២ និងបងប្អូនជីដូនមួយឈ្មោះ ស្រី ត្រូវបានពួកប៉ុលពតជម្លៀសចេញទីខេត្តក្រចេះ។
កម្មវិធីមនុស្សធម៌ « នេះមិនមែនជាសុបិន » សូមប្រកាសស្វែងរកលោកស្រី ជីវ សុគន្ធា ដែលបានបែកគ្នានៅក្នុងឆ្នាំ១៩៧៥។ ប្រសិនបើ លោកស្រី ជីវ សុគន្ធា បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ « នេះមិនមែនជាសុបិន » តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ « នេះមិនមែនជាសុបិន » ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
