សេង ភាស់ គឺជាឈ្មោះ ដែលលោកគ្រូ វ៉ា ប្រធានមណ្ឌលកុលាប គៀនឃ្លាំងបានដាក់ឲ្យលោកស្រី ដោយសារតែលោកស្រីមិនបានដឹងថា ខ្លួនឯងមានឈ្មោះអ្វីនោះទេ ។
នៅសម័យប៉ុលពត លោកស្រី សេង ភាស់ បានវង្វេងចេញពីឪពុកម្ដាយ ដែលនៅពេលនោះលោកស្រីមានអាយុប្រហែលជា ២ ឬ៣ឆ្នាំប៉ុណ្ណោះ។ លោកស្រី ស្ទើរតែមិនបានចាំរឿងរ៉ាវអ្វីទាំងអស់ សូម្បីតែឈ្មោះរបស់លោកស្រី លោកស្រី គ្រាន់តែបានថា ក្នុងពេលរំដោះ លោកស្រីមានក្រណាត់មុងចាស់រុំជាប់ខ្លួន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកក្រុមគ្រួសារ សាច់ញាតិ របស់លោកស្រី សេង ភាស់ ដែលបានបែកគ្នានៅក្នុងសម័យប៉ុលពត។ ប្រសិនបើ គ្រួសារ សាច់ញាតិ របស់លោកស្រី សេង ភាស់ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
