លោកស្រី ឡុង ភូ មានឪពុកឈ្មោះ ថាន់ អ្នកម្ដាយឈ្មោះ ហ៊ ភិម ។ លោកស្រី ឡុង ភូ ជាកូនតែម្នាក់គត់របស់លោកឪពុកអ្នកម្ដាយ។ លោកស្រី ឡុង ភូ មានស្វាមីឈ្មោះ ម៉ៅ ថុក ធ្វើជាទាហាន។
ឆ្នាំ១៩៥១ លោក ថាន់ ត្រូវបានកងទ័ពបារាំងឡោមព័ទ្ធផ្ទះដើម្បីចាប់ខ្លួន ប៉ុន្តែគាត់បានលោតពីលើផ្ទះដើម្បីគេចខ្លួនពីការព័ទ្ធចាប់នេះ។ ចាប់ពីពេលនោះ គ្រួសាររបស់លោកស្រី ឡុង ភូ បានបាត់ដំណឹងរហូតមកដល់បច្ចុប្បន្ន។ ពេលដែលលោក ថាន់ រត់គេចខ្លួនពីការព័ទ្ធចាប់នោះ កូនស្រីរបស់លោក ថាន់ មានអាយុទើបតែ៣ថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ថាន់ ដែលបានបែកគ្នានៅក្នុងឆ្នាំ១៩៥១។ ប្រសិនបើ លោក ថាន់ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
