លោកស្រី ខន ស្រីមុំ មានលោកឪពុកឈ្មោះ ខាន់ ខន និងអ្នកម្ដាយឈ្មោះ ខាន់ ចំរើន។ លោកស្រី មានបងប្អូនចំនួន២នាក់ គឺបងប្រុសទី១ឈ្មោះ ខន ចាន់នី និងលោកស្រី ខន ស្រីមុំជាកូនស្រីពៅ។ គ្រួសាររបស់លោកស្រី ខន ស្រីមុំរស់នៅក្នុងទីក្រុងភ្នំពេញ ជាមួយលោកតា ខាន់ លោកយាយ ណយ មីង ខាន់ នាង ពូ ខាន់ រ៉េត ពូ ខាន់ ថុន និងពូ ខាន់ ធឿន។ ចំណែកអ៊ំប្រុស ខាន់ ឃីវិញ មានមុខរបរជាជាងជួសជុលឡាននៅខេត្តបាត់ដំបង។ ប៉ុលពតបានជម្លៀសគ្រួសាររបស់លោកស្រី ខន ស្រីមុំទៅរស់នៅខេត្តពោធិ៍សាត់។ សមាជិកគ្រួសារបានស្លាប់ជាបន្តបន្ទាប់ ដោយនៅសល់តែម្ដាយមីងឈ្មោះ ខាន់ នាង បងប្រុស ខាន់ ចាន់នី និងលោកស្រី ខន ស្រីមុំ។ ម្ដាយមីង ខាន់ នាងបានបាត់ដំណឹងតាំងពីអ្នកម្ដាយ ខាន់ ចំរើនបានស្លាប់ក្នុងឆ្នាំ១៩៧៨។ ចំណែក អ៊ំប្រុស ខាន់ ឃី បានបាត់ដំណឹងតាំងពីឆ្នាំ១៩៧៥។ លោកស្រី ខន ស្រីមុំបានបែកជាមួយបងប្រុស ខាន់ ចាន់នី ដោយសារតែបងប្រុសត្រូវទៅតាមអ្នកចិញ្ចឹមផ្សេងគ្នា។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ខាន់ ចាន់នី លោក ខាន់ ឃី និងលោកស្រី ខាន់ នាង ដែលបានបែកគ្នានៅក្នុងឆ្នាំ១៩៧៩។ ប្រសិនបើ លោក ខាន់ ចាន់នី លោក ខាន់ ឃី និងលោកស្រី ខាន់ នាង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
