កំឡុងឆ្នាំ១៩៧៣ គ្រួសារលោកស្រី សុខ យិន រស់នៅជុំគ្នាក្នុងម្ដុំផ្សារដើមស្កូវ ក្រុងភ្នំពេញ។ ក្នុងសម័យសង្គ្រាម គ្រួសាររបស់លោកស្រី សុខ យិន ត្រូវបានជម្លៀសទៅស្រុកភ្នំស្រុក ខេត្តបាត់ដំបង។ សមាជិកលោកស្រី សុខ យិន ត្រូវប៉ុលពតបំបែកឱ្យរស់នៅឆ្ងាយៗពីគ្នា។ ឆ្នាំ១៩៧៩ លោកស្រី សុខ យិន បានដឹងដំណឹងថា មានតែបងស្រីទី២ឈ្មោះ សុខ យួន ប្អូនប្រុសទី៤ឈ្មោះ សុខ នី និងប្អូនប្រុសទី៦ឈ្មោះ សុខ ណែមប៉ុណ្ណោះដែលនៅមានជីវិតរស់។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី សុខ យួន លោក សុខ នី និងលោក សុខ ណែម ដែលបានបាត់ដំណឹងក្នុងឆ្នាំ១៩៧៩។ ប្រសិនបើ លោកស្រី សុខ យួន លោក សុខ នី និងលោក សុខ ណែម បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
