ឆ្នាំ១៩៧៩ ពេលទាហានរំដោះចូលមក គ្រួសារលោកស្រី ណេត ឃង បានចេញទៅខេត្តពោធិ៍សាត់ ។ ពេលដល់ទីនោះខេត្តពោធិ៍សាត់ ដោយសារតែមានការប្រយុទ្ធគ្នារវាងទាហានខ្មែរក្រហម និងទាហានរំដោះ ទើបធ្វើឲ្យសមាជិកគ្រួសាររបស់លោកស្រីបែកគ្នា និងនៅសល់តែលោកស្រី ណេត ឃង និងប្អូនស្រី ណេត ឃី ហៅ ក្ដិច តែប៉ុណ្ណោះ។ លោកស្រី ណេត ឃង និងប្អូនស្រី ណេត ឃី ក៏បន្តដំណើរទៅដល់ជំរុំភ្នំឆ័ត្រ។ លោកស្រី ណេត ឃង មានស្វាមី ឈ្មោះ ចាប ឈុន ចំណែកលោកស្រី ណេត ឃី មានស្វាមីឈ្មោះ អឿន
ឆ្នាំ១៩៨៩ លោកស្រី ណេត ឃង បានទៅរកប្អូនស្រី ណេត ឃី ហៅក្ដិច ដែលរស់នៅលើភ្នំដងរែក។ ពេលនោះ លោកស្រី ណេត ឃង បានបបួលប្អូនស្រី ណេត ឃី មករស់នៅជាមួយ ប៉ុន្តែប្អូនស្រី ណេត ឃី សន្យាធ្វើដំណើរទៅរកលោកស្រី ណេត ឃី នៅពេលក្រោយ។ តាំងពីពេលនោះមកលោកស្រី ណេត ឃង ក៏ បានបាត់ដំណឹងលោកស្រី ណេត ឃី ហៅ ក្ដិច រហូតដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ណេត ឃី ហៅ ក្ដិច ដែលបានបាត់ដំណឹងនៅក្នុងឆ្នាំ១៩៨៩។ ប្រសិនបើ លោកស្រី ណេត ឃី ហៅ ក្ដិច បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
