លោកស្រី ស្រេង ហ៊ុងលី មានស្វាមីឈ្មោះ ហេង គង់ និងមានកូនប្រុសចំនួន ៣នាក់ គឺកូនប្រុសទី១ឈ្មោះ គង់ ហេង កូនប្រុសទី២ឈ្មោះ គង់ ស៊ុនអេង និងកូនប្រុសទី៣ឈ្មោះ គង់ ស៊ុនហួ។ មុនឆ្នាំ១៩៧៥ គ្រួសារលោកស្រី ស្រេង ហ៊ុងលី បានចេញពីស្រុកអង្គស្នួលទៅរស់នៅម្ដុំផ្សារដើមថ្កូវ ទីក្រុងភ្នំពេញ ដោយប្រកបរបរធ្វើជាអ្នកលក់បន្លែនៅក្នុងផ្សារ ចំណែកស្វាមីទៅជួយលក់ប្រេងកាតបងប្រុស និងបងថ្លៃនៅម្ដុំអូឡាំពិក។
ក្រោយមក លោកស្រី ស្រេង ហ៊ុងលី បានផ្លាស់មកលក់ឥវ៉ាន់នៅម្ដុំផ្សារអូឡាំពិក ប៉ុន្តែយូរៗទើបបានទៅលេងកូនម្ដង។ ឆ្នាំ១៩៧៥ ប៉ុល ពតបានជម្លៀសលោកស្រី ស្រេង ហ៊ុងលី និងកូនចំនួន២នាក់ ហើយបានបែកពីស្វាមី និងកូនប្រុសទី២ឈ្មោះ គង់ ហ៊ុនអេង ដែលរស់នៅជាមួយបងប្រុស។
ក្រោយពេលប្រកាសដំណឹងស្វែងរកកូនប្រុសរបស់លោកស្រី ស្រេង ហ៊ុងលី ក្រុមការងារ នៃកម្មវិធីមនុស្សធម៌ «នេះមិនមែនជាសុបិន» បានស្វែងរកឃើញកូនប្រុសទី២ឈ្មោះ គង់ ហ៊ុនអេង ដែលកំពុងតែរស់នៅក្នុងខេត្តពោធិ៍សាត់។
សូមទស្សនាវីដេអូជួបជុំរបស់លោកស្រី ស្រេង ហ៊ុងលី ដូចខាងក្រោម!
