លោក ពយ មានលោកឪពុកឈ្មោះ ហ៊ុង អ្នកម្ដាយឈ្មោះ ជួប និងមានបងប្អូនចំនួន៥នាក់ គឺបងប្រុសទី១ឈ្មោះ ថា បងប្រុសទី២ ឈ្មោះ មឹក បងប្រុសទី៣ ឈ្មោះ វិត បងប្រុសទី៤ ឈ្មោះ ប៉ាន់ លោក ពយ ជាកូនប្រុសទី៥។ លោកឪពុកអ្នកម្ដាយត្រូវប៉ុលពតយកទៅសម្លាប់នៅក្នុងឆ្នាំ១៩៧៨ ចំណែកបងប្អូនទាំង៥នាក់របស់លោក ពយ ត្រូវទៅរស់នៅក្នុងកងចល័តផ្សេងៗគ្នា។
ឆ្នាំ១៩៧៩ នៅពេលប្រទេសត្រូវបានរំដោះ ព្រោះតែមានស្ថានភាពជ្រួលច្របល់ខ្លាំង បានធ្វើឲ្យបងប្អូនទាំង៥នាក់រត់បែកគ្នា និងបានបាត់ដំណឹងបងប្អូន។ ប៉ុន្តែជាសំណាងល្អ លោក ពយ បានរត់ជួបជាមួយបងប្រុសឈ្មោះ ប៉ាន់ និងបានបន្តរស់នៅជុំគ្នារហូតមកដល់បច្ចុប្បន្ន។
ក្រោយពេលស្រាវជ្រាវតាមតំបន់សង្ស័យ និងការប្រកាសស្វែងរកតាមរយៈទូរទស្សន៍ និងវិទ្យុបាយ័ន ក្រុមការងារ នៃកម្មវិធីមនុស្សធម៌ «នេះមិនមែនជាសុបិន» បានស្វែងរកឃើញបងទី១ បងប្រុសទី៤ និងប្អូនប្រុសទី៦ ដែលលោកពយមិនបានចាំ។
សូមទស្សនាវីដេអូជួបជុំរបស់លោកពយ ដូចខាងក្រោម!
