លោកស្រី ស្រី សាម៉ុន មានលោកឪពុកឈ្មោះ ស្រី ឃីន អ្នកម្ដាយឈ្មោះ សុខ ថូ និងមានបងប្អូនបង្កើតចំនួន ៣នាក់ គឺបងស្រីទី១ ឈ្មោះ ស្រី វ៉ាន់ធឿន បងស្រីទី២ ឈ្មោះ ស្រី សាមន និងលោកស្រី ស្រី សាមុនជាកូនស្រី៣។ មុនឆ្នាំ១៩៧៥ គ្រួសារលោកស្រី ស្រី សាម៉ុន ហៅអាគោ រស់នៅក្បែរមន្ទីរពេទ្យរុស្សី ក្នុងក្រុងភ្នំពេញ។ លោកឪពុកជាទាហាននៅបន្ទាយស្លឹក ចំណែកអ្នកម្ដាយជាអ្នកលក់ឥវ៉ាន់នៅផ្ទះ។ បងស្រីទី១ឈ្មោះ ស្រី វ៉ាន់ធឿន បានរៀបការជាមួយលោក ថាច់ ម៉ារីន និងមានកូន៣នាក់ ហើយបានផ្លាស់ទៅរស់នៅជាមួយស្វាមី ដែលនៅក្បែរនឹងផ្ទះលោកឪពុកអ្នកម្ដាយ។ បងស្រីទី២ ឈ្មោះ ស្រី សាមន គឺជាទាហាន មានស្វាមីជាទាហានដូចគ្នា និងមានកូនចំនួន២នាក់។
ឆ្នាំ១៩៧៥ ប៉ុលពតបានជម្លៀសគ្រួសារលោកស្រីចេញពីទីក្រុងភ្នំពេញជាមួយគ្រួសារបងស្រីទី១។ ពេលគ្រួសារលោកស្រីទៅដល់ម្ដុំស្ពានបាគូ ខេត្តកណ្ដាល ពេលនោះមានសភាពជ្រួលច្របល់ពេកធ្វើឱ្យលោកស្រី និងគ្រួសាររត់បែកគ្នា ហើយបានបាត់ដំណឹងរហូត។
កម្មវិធីមនុស្សធម៌ «នេះមិនមែនជាសុបិន» បានស្វែងរកឃើញបងស្រីទី១ឈ្មោះ ស្រី វ៉ាន់ធឿន ដែលកំពុងតែរស់នៅក្នុងទីក្រុងភ្នំពេញ។
សូមទស្សនាវីដេអូជួបជុំរបស់លោកស្រី ស្រី សាមុន ដូចខាងក្រោម!
