លោកស្រី សូ សុជាតា ត្រូវបានឪពុកចិញ្ចឹមឈ្មោះ សូ ស៊ុន យកមកចិញ្ចឹមតាំងពីឆ្នាំ១៩៧៥ ពេលដែលលោកស្រីមានអាយុបាន១ឆ្នាំ មកម្ល៉េះ។ សូ សុជាតាក៏ជាឈ្មោះដែលឪពុកម្ដាយចិញ្ចឹមបានដាក់ឲ្យដែរ។ លោក សូ ស៊ុន ជាឪពុកចិញ្ចឹម គឺជាអ្នកបើកយន្តហោះ មានឋានន្តរសក្ដិ ពាក់ស័ក្ដិប្រាំ ក្នុងរបបលន់នល់ និងមានប្រពន្ធឈ្មោះ ដែន ស៊ីវន និងមានកូនបង្កើតចំនួន៣នាក់ ព្រមទាំងកូនចិញ្ចឹម១នាក់។ លោកស្រី សូ សុជាតា បានព្យាយាមស្វែងរកលោកឪពុកអ្នកម្ដាយ និងសាច់ញាតិទាំងអស់។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកឪពុកម្ដាយបងប្អូនបង្កើត ព្រមទាំងសាច់ញាតិរបស់លោកស្រី សូ សុជាតា ដែលបានបែកគ្នាតាំងពីលោកស្រីមានអាយុត្រឹមតែ១ឆ្នាំមកម្ល៉េះ។ ប្រសិនបើ ឪពុកម្ដាយបងប្អូន ព្រមទាំងសាច់ញាតិលោកស្រី សូ សុជាតា ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
