កញ្ញា មួង រ៉ាម៉ារី ហៅ ទីន មានឪពុកឈ្មោះ មួង សុខែម និងអ្នកម្ដាយឈ្មោះ ស៊ីវ សុខន និងមានបងប្អូនបង្កើតចំនួន ២នាក់ ស្រីម្នាក់ មានស្រុកកំណើតនៅសង្កាត់ផ្សារថ្មី៣ ខណ្ឌដូនពេញ ក្រុងភ្នំពេញ។ កញ្ញា មួង រ៉ាម៉ារី មានបងប្រុសម្នាក់ឈ្មោះ ស៊ីវ សុខឿន។
ម្ដាយ និងឪពុករបស់កញ្ញាម៉ារីបានរៀបការនឹងគ្នានៅក្នុងសម័យខ្មែរក្រហម ក្រោមអាពាហ៍ពិពាហ៍ចាប់បង្ខំ។ ក្រោយពេលសង្គ្រាមបានបញ្ចប់ នៅពេលនោះម្ដាយរបស់កញ្ញាម៉ារីកំពុងតែមានគភ៌កូនទី២ជារូបកញ្ញាផ្ទាល់។ គ្រួសារទាំងអស់រស់នៅក្នុងសង្កាត់ផ្សារថ្មី៣ ខណ្ឌដូនពេញ ក្រុងភ្នំពេញ ហើយឪពុកធ្វើជាអ្នកលេងភ្លេងរបស់ក្រសួងការពារជាតិ និងម្ដាយចូលរៀនពេទ្យ ចំណែកបងប្រុសនៅជាមួយលោកយាយនៅផ្ទះ។ រស់នៅជាមួយគ្រួសារមិនបានប៉ុន្មានខែផង ដោយសារតែមានភាពមិនចុះសម្រុងគ្នាក្នុងគ្រួសារ ឪពុកម្ដាយរបស់កញ្ញាម៉ារីក៏សម្រេចចិត្តបែកគ្នា ទាំងពេលនោះកញ្ញាម៉ារីមិនទាន់បានចាប់កំណើតនៅឡើយទេ។
ក្រុមការងារ នៃកម្មវិធីមនុស្សធម៌ «នេះមិនមែនជាសុបិន» បានស្រាវជ្រាវនៅតំបន់សង្ស័យ និងបានស្វែងរកឃើញលោកឪពុករបស់កញ្ញា មួង រ៉ាម៉ារី ដែលកំពុងតែរស់នៅក្រុងតាខ្មៅ ខេត្តកណ្ដាល។
សូមទស្សនាវីដេអូជួបជុំរបស់កញ្ញា មួង រ៉ាម៉ារី ដូចខាងក្រោម!
