លោកស្រី តាំង ថុងមីយុង មានឪពុកឈ្មោះ តាំង ថុងសាំ អ្នកម្ដាយឈ្មោះ ង្វៀង ធីស៊ីន និងមានបងប្អូនចំនួន៧នាក់។ ប្រុសទី១ឈ្មោះ តាំង ថុងវ៉េ បងប្រុសទី២ឈ្មោះ តាំង ថុងថាត់ មានប្រពន្ធ និងកូន២នាក់ បងស្រីទី៣ឈ្មោះ តាំង ថុងប៉ាវចូវ មានស្វាមីឈ្មោះ សែម ងន មានកូន៣នាក់ បងប្រុសទី៤ឈ្មោះ តាំង ថុងសឺង លោកស្រី តាំង ថុងមីយុង ជាកូនទី៥ ប្អូនស្រីទី៦ឈ្មោះ តាំង ថុងគឹមហ៊ាន និងប្អូនប្រុសទី៧ឈ្មោះ តាំង ថុងសំរិត ។
ឆ្នាំ១៩៧៣ លោកស្រី បានរៀបការជាមួយលោក អ៊ឹង ឡាយទិត ជាសាស្ត្រាចារ្យសាលារៀនកំពង់កង់។ ឆ្នាំ១៩៧៤ នៅក្រុងកំពតមានគ្រាប់ផ្លោង ឪពុកម្ដាយបាននាំប្អូន៣នាក់ទៅនៅវៀតណាម។ លោកស្រី តាំង ថុងមីយុង និងស្វាមីនៅមើលផ្ទះ ព្រោះមានកូនស្រីនៅតូច។ ក្រោយជម្លៀសបាន២ខែ ឪពុកម្ដាយបាននាំប្អូន៣នាក់ត្រឡប់ទៅភ្នំពេញវិញ គឺនៅផ្ទះបងប្រុស នៅផ្លូវឃ្លាំងរំសេវ ។ ស្វាមីរបស់លោកស្រីត្រូវបានប៉ុលពតជម្លៀសឲ្យទៅរែកសំណាបនៅឃុំត្រពាំងសិលា និងបានបាត់ដំណឹង។ សង្គ្រាមបានបញ្ចប់ ប៉ុន្តែលោកស្រី តាំង ថុងមីយុង បានបាត់ដំណឹងលោកឪពុកអ្នកម្ដាយ និងបងប្អូនរហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរក លោក តាំង ថុងសាំ លោកស្រី ង្វៀង ធីស៊ីន លោក តាំង ថុងវ៉េ លោក តាំង ថុងថាត់ លោកស្រី តាំង ថុងប៉ាវចូវ លោក តាំង ថុងសឺង លោកស្រី តាំង ថុងគឹមហ៊ាន លោក តាំង ថុងសំរិត ដែលបានបែកគ្នានៅក្នុងឆ្នាំ១៩៧៥ និងលោក អ៊ឹង ឡាយទិត ដែលបានបែកគ្នានៅក្នុងឆ្នាំ១៩៧៧។ ប្រសិនបើ លោក តាំង ថុងសាំ លោកស្រី ង្វៀង ធីស៊ីន លោក តាំង ថុងវ៉េ លោក តាំង ថុងថាត់ លោកស្រី តាំង ថុងប៉ាវចូវ លោក តាំង ថុងសឺង លោកស្រី តាំង ថុងគឹមហ៊ាន លោក តាំង ថុងសំរិត លោក អ៊ឹង ឡាយទិត បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
