បងស្រីទី១ឈ្មោះ ដេត អួន មានស្វាមីឈ្មោះ បាន ធឿ និងមានកូនចំនួន៣នាក់ គឺកូនស្រីទី១ឈ្មោះ ធឿ សុខហេង ហៅខ្ញរ កូនស្រីទី២ឈ្មោះ ធឿ សុខខេង និងកូនប្រុសទី៣ឈ្មោះ ធឿ ធឿន។ ក្រោយពេលបងស្រីទី១ ដេត អួន លែងលះជាមួយស្វាមី។ ប្រហែលជាឆ្នាំ១៩៧២ លោក សេង បៀ ត្រូវជាប្អូនជីដូនមួយបានមកសុំយកកូនស្រីទី១ឈ្មោះ ធឿ សុខហេង ទៅធ្វើការនៅភ្នំពេញ។ ប្រហែលជាឆ្នាំ១៩៧៣ កូនស្រីទី១ឈ្មោះ ធឿ សុខហេង បានផ្ញើឥវ៉ាន់មកជូនម្ដាយបានម្ដង។ ចាប់តាំងពីនោះមក អ្នកម្ដាយ និងម្ដាយមីង ដេត ស៊្រន បានបាត់ដំណឹងលោកស្រី ធឿ សុខហេងរហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរក លោកស្រី ធឿ សុខខេង ហៅ ខ្ញរ ដែលបានបាត់ដំណឹងនៅក្នុងឆ្នាំ១៩៧៤។ ប្រសិនបើ លោកស្រី ធឿ សុខខេង ហៅខ្ញរ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមកកម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្មឥតគិតថ្លៃជូនប្រជាជនកម្ពុជាក្នុងការស្វែងរកសាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀតនៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
