ក្រោយពេលអ្នកម្ដាយទទួលមរណភាពក្នុងឆ្នាំ១៩៧៥។លោកឪពុក ខៀវ សុវណ្ណ បានយកលោកស្រីឲ្យទៅរស់នៅជាមួយអ៊ំស្រី ឈ្មោះ ខៀវ យាង នៅខាងជើងផ្សារស៊ីឡិប ក្រុងភ្នំពេញ។ បងស្រីជីដូនមួយទី១ឈ្មោះ អេដ ម៉ារីយ៉ាន់ និងជីដូនមួយឈ្មោះទី៣ឈ្មោះអេដ ម៉ារីយ៉ុន ជាអ្នកដាំផ្កាលក់ ចំណែកបងស្រីជីដូនមួយទី២ឈ្មោះអេដ ម៉ារីយ៉ុង ជាជាងកាត់ដេរ។
ក្នុងឆ្នាំ១៩៧៥ អ៊ំស្រី ខៀវ យាង បានប្រើអោយលោកស្រី ខៀវ សុវណ្ណបុទុំ យកឥវ៉ាន់ទៅឲ្យម្ដាយមីងមួយទៀតដែលរស់នៅផ្សារដេប៉ូ។ ពេលទៅដល់ផ្ទះម្ដាយមីង ក៏មានស្ថានភាពជ្រួលច្របល់ ពេលនោះម្ដាយមីងបានឃាត់លោកស្រីមិនអោយត្រឡប់មកផ្ទះអ៊ំស្រី ខៀវ យាងវិញទេ។
១៧ មេសា ឆ្នាំ១៩៧៥ ប៉ុលពតបានជម្លៀសលោកស្រី ខៀវ សុវណ្ណបុទុំ និងគ្រួសារម្ដាយមីងដែលមានកូនស្រីម្នាក់ និងចៅ២នាក់ទៅដល់ស្រុកកៀនស្វាយ ខេត្តកណ្ដាល។
ឆ្នាំ១៩៧៦ ប៉ុលពតបញ្ជូនលោកស្រី ខៀវ សុវណ្ណបុទុំ និងគ្រួសារម្ដាយមីងទៅខេត្តកំពង់ធំ។ នៅពេលខែវស្សា គេបញ្ជូនលោកស្រី ខៀវ សុវណ្ណបុទុំ ទៅធ្វើត្រីនៅបឹងទន្លេសាប ។ ចាប់តាំងពីពេលនោះមក លោកស្រី ខៀវ សុវណ្ណបុទុំ មិនដែលមានដំណឹងអ្វីសោះពីគ្រួសារ និងសាច់ញាតិរបស់លោកស្រីទេ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរក លោក ខៀវ សុវណ្ណ លោកស្រី ខៀវ យាង និងសាច់ញាតិខាងឪពុក ដែលបានបាត់ដំណឹងនៅក្នុងឆ្នាំ១៩៧៥។ ប្រសិនបើ លោក ខៀវ សុវណ្ណ លោកស្រី ខៀវ យាង និងសាច់ញាតិខាងឪពុក បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមកកម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្មឥតគិតថ្លៃជូនប្រជាជនកម្ពុជាក្នុងការស្វែងរកសាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀតនៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
