មុនឆ្នាំ១៩៧៥ គ្រួសារលោកស្រី ឡុង ឌីណា រស់នៅជួបជុំគ្នាក្នុងបរិវេណស្ថានីយរថភ្លើង ខេត្តបាត់ដំបង ដោយលោកឪពុកធ្វើការនៅស្ថានីយរថភ្លើងនោះតែម្ដង។
ឆ្នាំ១៩៧៥ ប៉ុលពតបានបញ្ជូនលោក ឡុង ដាវិដ ហៅតាំង ទៅធ្វើជាកងចល័តនៅជើងភ្នំពេជ្រនិល។
ឆ្នាំ១៩៧៦ លោកស្រី ឡុង ឌីណា បានជួបជាមួយបងប្រុសទី២ឈ្មោះ ឡុង ដាវិដ ម្ដងដែរ។ ចាប់តាំងពេលនោះមក លោកស្រី ឡុង ឌីណាបានបែកពីលោក ឡុង ដាវិដ ហៅតាំង រហូតមកដល់សព្វថ្ងៃ ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរក លោក ឡុង ដាវិដ ហៅតាំង ដែលបានបែកគ្នានៅក្នុងឆ្នាំ១៩៧៦។ ប្រសិនបើ លោក ឡុង ដាវិដ ហៅតាំង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមកកម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរកសាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
