លោកស្រី យ៉ូ យ៉យ អាយុ ១៣ឆ្នាំ រៀនថ្នាក់ទី៣ នៅសាលាបឋមសិក្សាស្គា ក្នុងខេត្តព្រៃវែង ។
នៅឆ្នាំ១៩៩៣ ម្ដាយលោកស្រី យ៉ូ យ៉យ បានប្រើឲ្យលោកស្រី ទៅទិញអង្ករនៅផ្សារកអណ្ដើក ជាមួយពូ មីង និងអ្នកជិតខាងចំនួន៤នាក់។ ពេលទៅដល់ផ្សារកអណ្ដើក លោកស្រី យ៉ូ យ៉យ បានប្រាប់ទៅពូនិងមីងថា គាត់និងចូលផ្សារដើម្បីទិញអង្ករ។ ពូមីង និងអ្នកដែលទៅជាមួយគ្នារង់ចាំនៅកន្លែងផ្ញើកង់ ចាំរហូតដល់ម៉ោង១២ថ្ងៃត្រង់មិនឃើញលោកស្រី យ៉ូ យ៉យ វិលមកវិញ ទើបដឹងថាបាត់លោកស្រី ។ ចាប់តាំងពីពេលនោះមកក៏បានបាត់ដំណឹងពីលោកស្រី យ៉ូ យ៉យ រហូតដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី យ៉ូ យ៉យ ដែលបានបាត់ដំណឹងក្នុងឆ្នាំ១៩៩៣។ ប្រសិនបើ លោកស្រី យ៉ូ យ៉យ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
