ឆ្នាំ១៩៧០ លោកស្រី សៀវ សៀង រស់នៅជាមួយគ្រួសាររបស់លោក ម៉េង គៀត និងលោកស្រី សេង នៅក្បែររោងកុនម្កុជពេជ្រ ទីក្រុងភ្នំពេញ ។
ឆ្នាំ១៩៧២ លោកស្រី សៀវ សៀង បានរៀបការជាមួយស្វាមីឈ្មោះ តាំង គីម បានចាកចេញពីគ្រួសារលោក ម៉េង គៀត និងបានទៅរស់នៅក្បែរផែលេខ១ ជិតផ្សារចាស់ទាំងពីរនាក់ប្ដីប្រពន្ធ។ លោកស្រី សៀវ សៀង និងលោក តាំង គីម ឧស្សាហ៍ទៅលេងនិងក្រុមគ្រួសារលោក ម៉េង គៀត ណាស់។
ឆ្នាំ១៩៧៥ គ្រួសារលោកស្រី សៀវ សៀង ត្រូវបាន ប៉ុលពត ជម្លៀសទៅរស់នៅខេត្តកំពង់ចាម។ ចាប់តាំងពីពេលនោះមក លោកស្រី សៀវ សៀង បានបែកពីប្អូនជីដូនមួយ ម៉ីម៉ី ហៅ ហ៊ុយ គូ រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ម៉ី ម៉ី ហៅ ហ៊ុយ គូ ដែលបានបែកគ្នានៅក្នុងឆ្នាំ១៩៧៥។ ប្រសិនបើ លោកស្រី ម៉ី ម៉ី ហៅ ហ៊ុយ គូ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
