ឆ្នាំ១៩៧១ លោក ហៀប សុន បានចូលធ្វើជាទាហាននៅស្រុក ជីក្រែង ខេត្តសៀមរាប ហើយបានប្ដូរឈ្មោះពី ហៀប សុន ទៅជាឈ្មោះ ហៀប ឡោ វិញ។ លោកស្រី សោម ណាគ្រី និងកូនបានទៅរស់នៅជាមួយប្ដីនៅភូមិច្របក់ធំ ឃុំកំពង់ក្ដី ស្រុកជីក្រែង ខេត្តសៀមរាប ជាមួយលោកអ៊ុំ បាត និងលោកអ៊ុំ ផៃ។
ឆ្នាំ១៩៧៥ លោក ហៀប ឡោ ហៅហៀប សុន បានយកប្រពន្ធ និងកូន ទៅរស់នៅខេត្តព្រះសីហនុ ហើយនៅទីនោះលោក ហៀប ឡោ ហៅ ហៀប សុន បានធ្វើជាកម្មករលើកឥវ៉ាន់ពីលើទូកឲ្យគេនិងធ្វើជាទាហានផងដែរ។
ឆ្នាំ១៩៧៩ ក្រុមគ្រួសារលោក ត្រូវបានគេជម្លៀសទៅរស់នៅលើកោះស្យាង ហៅ កោះស្លា ស្ថិតនៅក្នុងទឹកដីខេត្តកោះកុង។ ក្រោយមកលោក ហៀប ឡោ ហៅហៀប សុន ត្រូវបានបញ្ជូនឲ្យទៅការពារទឹកដីនៅគ្រប់កន្លែងទាំងអស់។ ចាប់តាំងពីពេលនោះមក លោក ហៀប ឡោ ហៅ ហៀប សុន បានបែកពីប្រពន្ធ និងកូនទាំងពីររហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី សោម ណាគ្រី និងកូនពីរនាក់ ដែលបានបាត់ដំណឹងក្នុងឆ្នាំ១៩៧៩។ ប្រសិនបើ លោកស្រី សោម ណាគ្រី និងកូនពីរនាក់ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមកកម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
