ឆ្នាំ១៩៧៥ ឪពុករបស់លោក បានស្លាប់ដោយសារគ្មានអាហារបរិភោគ។ បន្ទាប់មក ប៉ុល ពត បាន ជម្លៀសក្រុមគ្រួសារលោក សន ផល រហូតដល់ខេត្តពោធិ៍សាត់។ នៅទីនោះគ្រួសារលោក សន ផល រស់នៅជួបជុំគ្នាទាំងអស់លើកលែងតែបងស្រីឈ្មោះ បាន បានចេញទៅតាមស្វាមីមិនដឹងថាទៅទីណានោះទេ។ ចាប់តាំងពីពេលនោះមក ក៏បានបាត់បងស្រីឈ្មោះ បាន រហូតមក។
ឆ្នាំ១៩៧៩ គ្រួសារលោក សន ផល បានបន្តដំណើរទៅដល់ជើងភ្នំលះបង់ ស្រាប់តែមានការប្រយុទ្ធគ្នារវាងប៉ុលពត និងកងទ័ពរំដោះ ពេលនោះម្ដាយលោក សន ផល បានរត់ចូលទៅក្នុងព្រៃជាមួយប្អូនៗ ២នាក់ចំណែកលោក សន ផល វិញរត់ឡើងទៅលើភ្នំជាមួយបងៗហើយក៏បានបែកគ្នាបន្តបន្ទាប់។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកបងប្អូនរបស់លោក សន ផល ដែលបានបែកគ្នាក្នុងឆ្នាំ១៩៧៥ និង ឆ្នាំ១៩៧៩។ ប្រសិនបើ បងប្អូនរបស់លោក សន ផល បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
