មុនឆ្នាំ១៩៧៥ លោកស្រី រដ្ឋ វ៉ាន់ស៊ីម មានឪពុកធ្វើជាទាហាន ម្ដាយធ្វើស្រែចម្ការ។ ឪពុកម្ដាយលោកស្រីបានលះលែងគ្នា តុលាការបានសម្រេចឲ្យកូនស្រីទៅខាងឪពុកចិញ្ចឹម។ លោក អន រដ្ឋ បានផ្លាស់ទៅរស់នៅក្នុងបន្ទាយខេត្តកំពង់ស្ពឺជាមួយ លោកស្រី អ៊ុំ សៀង ដែលជាភរិយាទី ២ ដោយនាំយកលោកស្រី រដ្ឋ វ៉ាន់ស៊ីម ទៅរស់នៅជាមួយ។ នៅពេលលោកស្រី រដ្ឋ វ៉ាន់ស៊ីម មានអាយុប្រហែលជា១២ឆ្នាំ លោក អន រដ្ឋ បានផ្លាស់មករស់នៅម្ដុំផ្សារបូកគោទីក្រុងភ្នំពេញ។រស់នៅទីនោះគ្រួសារលោក អន រដ្ឋ និងលោកស្រី អ៊ុំ សៀង មានសមាជិក៦នាក់។ ក្រោយមកលោកស្រី រដ្ឋ វ៉ាន់ស៊ីម បានរៀបការជាមួយលោក នៅ សារិន និងឆ្លងទន្លេរួចរាល់ហើយបានមករស់នៅជាមួយម្ដាយលោកស្រីវិញ។
ឆ្នាំ១៩៧៥ ប៉ុលពតបានជម្លៀសម្ដាយ និងលោកស្រី រដ្ឋ វ៉ាន់ស៊ីម ចេញពីក្រុងភ្នំពេញ ។ ចាប់តាំងពីពេលមកលោកស្រី រដ្ឋ វ៉ាន់ស៊ីម បានបែកពីលោកឪពុក ម្ដាយចុង និងប្អូនក្រោយ រហូតមក។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក អន រដ្ឋ លោកស្រី អ៊ុំ សៀង និងប្អូនក្រោយមិនចាំឈ្មោះ ដែលបានបាត់ដំណឹងក្នុងឆ្នាំ១៩៧៥។ ប្រសិនបើ លោក អន រដ្ឋ លោកស្រី អ៊ុំ សៀង និងប្អូនក្រោយ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
