ឆ្នាំ១៩៧៣ គ្រួសារលោក រស់នៅក្បែរប្រលានយន្តហោះខេត្តបាត់ដំបង។
ប្រទេសជិតមានសង្គ្រាមគ្រួសារលោកបាននាំគ្នាឡើងយន្តហោះពីខេត្តបាត់ដំបងទៅខេត្តព្រះសីហនុវិញដោយរស់នៅអូរត្រេះនៅក្បែរបន្ទាយទាហាន។
ឆ្នាំ១៩៧៥ ឪពុកម្ដាយ និងប្អូនប្រុសពៅត្រូវបានគេនាំទៅសម្លាប់ ដោយសារតែលោកឪពុក មានតួនាទីធំ។ បងស្រីៗ ត្រូវបញ្ជូនទៅកងចល័ត ចំណែកលោក មុត រ៉េត និងប្អូនៗត្រូវបានបញ្ជូនទៅកងកុមារ។ លោក មុត រ៉េត បាននាំប្អូនប្រុសមករស់នៅស្រុកភ្នំស្រួច ខេត្តកំពង់ស្ពឺ ហើយត្រូវបានលោកយាយ ប៉ោះ និងលោកតា អន យកទៅចិញ្ចឹម។ ក្រោយមកមានលោកយាយ ប៉ាច មកសុំប្អូនប្រុសលោក មុត រ៉េត ទៅចិញ្ចឹមនៅភូមិក្រសាំងខ្ពស់ ឃុំដង្វាយ ស្រុកភ្នំស្រួច ខេត្តកំពង់ស្ពឺ។ ចាប់តាំងពីពេលនោះមក លោក មុត រ៉េត បានបាត់ដំណឹងបងប្អូនរបស់លោក រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី អួន អន លោកស្រី អួន អាំ លោក អួន អេង និងលោក អួន អៀង ដែលបានបាត់ដំណឹងក្នុងឆ្នាំ២០០០។ ប្រសិនបើ លោកស្រី អួន អន លោកស្រី អួន អាំ លោក អួន អេង និងលោក អួន អៀង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
