ឆ្នាំ១៩៩១ លោក ប៊ូ ម៉ី និងឪពុកឈ្មោះ មឿន បានផ្លាស់ពីជុំរុំ មករស់នៅខេត្តបាត់ដំបងវិញ ចំណែកឯលោកស្រី ខា និងកូនៗក្រោយរបស់គាត់បានផ្លាស់ទៅរស់នៅខេត្តសៀមរាបវិញ ដែលជាទីកន្លែងកំណើតរបស់គាត់។ ចាប់តាំងពីពេលនោះមកលោក ប៊ូ ម៉ី បានបែកពីប្អូនៗទាំងបួនរហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ភី លោកស្រី ទូច និងប្អូនពីរនាក់ទៀត មិនបានចាំឈ្មោះ ដែលបានបាត់ដំណឹងក្នុងឆ្នាំ១៩៩១។ ប្រសិនបើ លោក ភី លោកស្រី ទូច និងប្អូនពីរនាក់ទៀត បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
