ឆ្នាំ១៩៨៩ ឪពុកម្ដាយរបស់លោកបានចែកផ្លូវគ្នា។ កូនទាំងបួននាក់បានសម្រេចចិត្តរស់នៅជាមួយម្ដាយ ចំណែកឪពុករបស់លោកបានចាកចេញទៅតែម្នាក់ឯង មិនដឹងជាទៅរស់នៅទីណាកន្លែងណានោះទេ។ ម្ដាយនិងបងប្អូនទាំងបួន ទៀតរស់នៅក្នុងជុំរុំដដែល។ ក្រោយមកម្ដាយលោក បាននាំបងប្រុសឈ្មោះ ថា ចេញទៅរកស៊ី ពេលនោះបងប្រុសមានអាយុប្រហែល៩ឆ្នាំប៉ុណ្ណោះ ដោយទុករូបលោក ធា និងប្អូនប្រុស ថាន ឲ្យរស់នៅជាមួយគេម្នាក់ រីឯប្អូនទី៤ វិញផ្ញើទុកនិងគេម្នាក់ទៀត ។ គេមិនអនុញ្ញាតឲ្យលោក ណាន ស៊ីរឿន ហៅ ធា ទៅលេងប្អូនទី៤ទេ។ក្រោយមកលោក ណាន ស៊ីរឿន ហៅ ធា និងប្អូនប្រុសទី៣ ថាន ចាកចេញពីកន្លែងរស់នៅមកតាមគ្រួសារនៅខេត្តក្រចេះ។ ចាប់តាំងពីពេលនោះលោក ណាន ស៊ីថាវឿន ហៅ ធា បានបាត់ដំណឹងពីឪពុកម្ដាយ និងបងប្អូនរបស់លោក រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ធឿន លោកស្រី នី លោក ថា លោក ថាន និងប្អូនទី៤ មិនចាំឈ្មោះ ដែលបានបាត់ដំណឹងក្នុងឆ្នាំ១៩៨៩។ ប្រសិនបើ លោក ធឿន លោកស្រី នី លោក ថា លោក ថាន និងប្អូនទី៤ មិនចាំឈ្មោះ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
