នៅឆ្នាំ១៩៧៣ គ្រួសារលោក ឃឹម ឈន រស់នៅស្រុកកំណើតនៅខេត្តកណ្ដាល លោក ឃឹម ឈុំ ជាឪពុក និងលោក ឃឹម ឈុន ដែលជាបងប្រុសបានស្លាប់ដោយសារលោកទាំងពីរធ្វើជាទាហាន។
ឆ្នាំ១៩៧៥ ក្រុមគ្រួសារលោកត្រូវបានពួកប៉ុលពត ជម្លៀសឲ្យទៅរស់នៅស្រុកគាស់ក្រឡ ខេត្តបាត់ដំបង។
នៅឆ្នាំ១៩៧៧ ម្ដាយនិងប្អូនប្រុស បានស្លាប់ដែរដោយសារជំងឺហើម។លោក ឃឹម ឈន បានធ្វើជាអ្នកមើលថែទាំក្មេងៗនៅកុមារកំព្រា។ លោកស្រី ឃឹម លន និងលោក ឃឹម ឆែម បាននាំគ្នាចេញពីបងប្រុសដោយមិនឲ្យលោក ឃឹម ឈន ដឹងទេ។ ចាប់តាំងពីពេលនោះមកលោក ឃឹម ឈន បានបាត់ពីប្អូនស្រី ឃឹម លន និងប្អូនប្រុស ឃឹម ឆែម រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ឃឹម លន និងលោក ឃឹម ឆែម ដែលបានបែកគ្នាក្នុងឆ្នាំ១៩៧៧។ ប្រសិនបើ លោកស្រី ឃឹម លន និងលោក ឃឹម ឆែម បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
