មុនឆ្នាំ១៩៧៥ គ្រួសារ លោក ផឹង ឃួន រស់នៅជុំគ្នាក្នុងខេត្តកំពត ដោយប្រកបរបរធ្វើស្រែចម្ការ។
ឆ្នាំ១៩៧៥ ប៉ុលពត បានជម្លៀសលោក ផឹង ឃួន ទៅរស់នៅភ្នំលះបង់ ជាមួយភរិយា និងកូន ៥នាក់ប៉ុណ្ណោះ ចំណែកកូន៣នាក់ផ្សេងទៀត គឺ កូនប្រុសទី១ឈ្មោះ យ៉ឹង សារឿន កូនប្រុសទី២ឈ្មោះ យ៉ឹង សារ៉េត បានចេញទៅធ្វើជាទាហាន ចំណែកកូនស្រីទី៤ឈ្មោះ យ៉ឹង ផល្លា បានចេញទៅរស់នៅប្រទេសថៃជាមួយស្វាមី។
ឆ្នាំ១៩៧៦ លោក យ៉ឹង សារឿន បានមកលេងក្រុមគ្រួសារបានម្ដង។ បន្ទាប់មកគេបានបញ្ជូនលោក យ៉ឹង សារឿន ទៅធ្វើកងទ័ពបម្រុង នៅព្រៃទន្លេ ស្រុកបន្ទាយមាស ខេត្តកំពត។ ចាប់តាំងពីនោះមក លោក ផឹង ឃួន បានបាត់ដំណឹងកូនប្រុសឈ្មោះ យ៉ឹង សារឿនរហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក យ៉ឹង សារឿន ដែលបានបាត់ដំណឹងនៅក្នុងសម័យសង្គ្រាម។ ប្រសិនបើ លោក យ៉ឹង សារឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
