លោក ជីប មានស្រុកកំណើតនៅភូមិព្រែកកក់ ឃុំទួលរំចេក ខេត្តកំពង់ចាម។ លោក ជីប មានលោកឪពុកឈ្មោះ ហ៊ាន់ និងអ្នកម្ដាយឈ្មោះ ហុង។ លោក ជីប ចាំថាលោកជាកូនទោលក្នុងគ្រួសារ។
លោក ជីប ចាំប្រហាក់ប្រហែលថាកាលលោកមានអាយុ៤ឆ្នំា លោកដូចជារស់នៅក្នុងកងកុមារទួលរំចេក។ រស់នៅក្នុងកងកុមារ លោក ជីប មានរបួសលើចិញ្ចើមខាងឆ្វេងដោយសារត្រូវផ្លែចបកាប់។
ក្រោយមក គ្រួសារលោកត្រូវផ្លាស់ពីទួលរំចេកមករស់នៅម្ដុំទួលគោក ទីក្រុងភ្នំពេញ។ នៅទួលគោកមិនបានប៉ុន្មានផង ក៏ត្រូវពួកប៉ុលពតបញ្ជូនគ្រួសារលោកទៅនៅទួលស្លែង ដោយបំបែកឪពុកម្ដាយ និងរូបលោក ជីប ឲ្យនៅឆ្ងាយពីគ្នា។ ចាប់តាំងពីពេលនោះមក លោក ជីប បានបាត់ដំណឹងឪពុកម្ដាយ រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ហ៊ាន់ និងលោកស្រី ហុង ដែលបានបាត់ដំណឹងនៅក្នុងសម័យសង្គ្រាម។ ប្រសិនបើ លោក ហ៊ាន់ និងលោកស្រី ហុង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
