លោក ខែត វ៉ាន់ថា មានលោកឪពុកឈ្មោះ សុខ ខែត ម្ដាយឈ្មោះ វិញ លឿង និងមានបងប្អូន៧នាក់ បងប្រុសទី១ឈ្មោះ ខែត ឃួង ហៅសុខ មន្នីរដ្ឋា បងប្រុសទី២ឈ្មោះ ខែត សាមុត លោក ខែត វ៉ាន់ថា ជាកូនប្រុសទី៣ ប្អូនស្រីទី៤ឈ្មោះ ខែត ណារី ប្អូនស្រីទី៥ឈ្មោះ ខែត ណារិន ប្អូនស្រីទី៦ឈ្មោះ ខែត តារា និងប្អូនប្រុសទី៧ឈ្មោះ ខែត តូម។
មុនឆ្នាំ១៩៧៥ គ្រួសារលោក ខែត វ៉ាន់ថា រស់នៅជុំគ្នានៅភូមិទំនាប ឃុំតាម៉ឺន ស្រុកបាត់ដំបង ខេត្តបាត់ដំបង។ ផ្ទះដែលលោករស់នៅ គឺស្ថិតនៅខាងជើងសាលាបឋមសិក្សាតាម៉ឺន គ្រួសារលោកប្រកបរបរធ្វើស្រែ។
ឆ្នាំ១៩៧៥ ប៉ុលពតបានជម្លៀសគ្រួសារលោកទៅរស់នៅភូមិទំពោង ឃុំតាម៉ឺន ស្រុកបាត់ដំបង ខេត្តបាត់ដំបង។ ឆ្នាំ១៩៧៦ បងប្រុសទី១ឈ្មោះ ខែត ឃួង ហៅសុខ មន្នីរដ្ឋា ត្រូវប៉ុលពតឲ្យធ្វើជាកងចល័តពិសេសនៅប៉ុស្តិ៍ចម្ការចេក ស្រុកបាត់ដំបង។ ចាប់ពីពេលនោះមក លោក ខែត វ៉ាន់ថាបានបាត់ដំណឹងបងប្រុសទី១ឈ្មោះ ខែត ឃួង ហៅសុខ មន្នីរដ្ឋា រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ខែត ឃួង ដែលបានបែកគ្នានៅឆ្នាំ១៩៧៦។ ប្រសិនបើ លោក ខែត ឃួង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
